ആദ്യ തോല്വി സിങ്കത്തിന് താങ്ങാനായില്ല... ഗതാഗത കമ്മീഷണര് സ്ഥാനത്ത് തുടരാന് താത്പര്യമില്ല, ഋഷിരാജ് സിംഗ് ഒരു മാസത്തെ അവധിയില്
പിന്സീറ്റില് ബെല്റ്റ് നിര്ബന്ധമാക്കിയത് എടുത്തു കളഞ്ഞ സര്ക്കാരിന്റെ നടപടിയില് പ്രതിഷേധിച്ച് ഋഷിരാജ് സിംഗിന് അതൃപ്തി. ഒരു മാസത്തെ അവധി ആവശ്യപ്പെട്ട് അദ്ദേഹം സര്ക്കാരിന് കത്ത് നല്കി. നിയമം നടപ്പാക്കാന് കഴിയാതെ സ്ഥാനത്ത് തുടരുന്നതില് അര്ത്ഥമില്ലെന്നാണ് ഋഷിരാജ് സിംഗിന്റെ നിലപാട്. പിന്സീറ്റിലെ ബെല്റ്റ് നിര്ബന്ധമാക്കിയ ഉത്തരവ് പിന്വലിക്കാന് കഴിഞ്ഞദിവസം സര്ക്കാര് തീരുമാനിച്ചിരുന്നു. ഉത്തരവ് നടപ്പാക്കാന് പ്രായോഗിക ബുദ്ധിമുട്ടുകള് ഉള്ളതിനെ തുടര്ന്നാണ് ഇത്തരമൊരു നടപടിയെന്ന് തിരുവഞ്ചൂര് നിയമസഭയെ അറിയിച്ചിരുന്നു. ഇതേതുടര്ന്നാണ് ഗതാഗത കമ്മീഷണര് സ്ഥാനത്ത് തുടരാന് താത്പര്യമില്ലെന്ന നിലപാട് ഋഷിരാജ് സിങ് എടുത്തിരിക്കുന്നത്.
കഴിഞ്ഞ ആഴ്ചയാണ് സീറ്റ് ബെല്റ്റ് ഘടിപ്പിച്ച വാഹനങ്ങളില് യാത്ര ചെയ്യുന്നവര്ക്കും സീറ്റ്ബെല്റ്റ് നിര്ബന്ധമാക്കി കേന്ദ്രമോട്ടോര് വാഹനചട്ടം 138 (3) പ്രകാരം ഋഷിരാജ്സിങ് ഉത്തരവിട്ടത്. ഇതിനെ തുടര്ന്ന് നിരവധി വിവാദങ്ങളും ഉയര്ന്നിരുന്നു.
യാത്രക്കാര് സീറ്റ് ബെല്റ്റ് ധരിച്ചാണോ യാത്ര ചെയ്യുന്നതെന്ന് പരിശോധിക്കാന് എല്ലാ റീജിയണല് ട്രാന്സ്പോര്ട്ട് ഓഫിസര്മാര്ക്കും കമ്മീഷണര് നിര്ദേശം നല്കിയിരുന്നു.
സിങ്കം ആദ്യമായി തോറ്റു ജനങ്ങള് ആദ്യമായി കൈയ്യടിച്ചു
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
