ദിലീപിന്റെ പ്രതീക്ഷകളെ തല്ലി തകര്ത്ത കാരണങ്ങള്....
യുവ നടിയെ ആക്രമിച്ച കേസില് റിമാന്ഡില് കഴിയുന്ന നടന് ദിലീപ് ഇത്തവണ ജാമ്യം കിട്ടുമെന്ന വലിയ പ്രതീക്ഷയിലായിരുന്നു. എന്നാല് ജാമ്യാപേക്ഷ നാലാം തവണയും കോടതി തള്ളിയത് വലിയ തിരിച്ചടിയായിരിക്കുകയാണ്. പ്രോസിക്യൂഷന് ദിലീപിനെതിരെ പുതിയ തെളിവുകള് നിരത്തിയത് പ്രതീക്ഷിക്കാത്ത തിരിച്ചടിയാണ് നടനുണ്ടാക്കിയത്. സിനിമാമേഖലയിലുള്ളവര് സാക്ഷികളായ കേസാണിത്. ഇവിടെ വലിയ സ്വാധീനമുള്ള ദിലീപിന് അനായാസം സാക്ഷികളെ സ്വാധീനിക്കാനാകും. ഉദാഹരണമായി ഗണേഷ് കുമാര് എംഎല്എ ശക്തമായി ദിലീപിനെ പിന്തുണച്ചത് പ്രോസിക്യൂഷന് കോടതിയുടെ ശ്രദ്ധയില്പ്പെടുത്തിയെന്നാണ് റിപ്പോര്ട്ട്.
ജയിലില് 60 ദിവസം പിന്നിട്ട സാഹചര്യത്തില് തനിക്ക് സോപാധിക ജാമ്യത്തിന് അര്ഹതയുണ്ടെന്നാണ് ദിലീപ് അപേക്ഷയില് പറഞ്ഞിരുന്നത്. ഹൈക്കോടതിയില് ഒരേ ബെഞ്ചില് തന്നെ മൂന്നാം ഹര്ജി കൊടുക്കുന്നത് തിരിച്ചടിയാകുമെന്ന വിലയിരുത്തലിലാണ് ദിലീപ് കീഴ്ക്കോടതിയായ അങ്കമാലി മജിസ്ട്രേറ്റ് കോടതിയില് എത്തിയത്. ശക്തമായ തെളിവുകള് തിരത്തിയുള്ള വാദങ്ങള് എതിര്ക്കാന് ദിലീപിനായില്ല. വലിയ സ്വാധീനമുള്ള വ്യക്തിയാണ് ദിലീപ്. നിലവിലെ സാഹചര്യത്തില് ദിലീപിന് ജാമ്യം ലഭിച്ചാല് കേസ് അന്വേഷണത്തെ പ്രതികൂലമായി ബാധിക്കും.
കേസില് കുറ്റപത്രം സമര്പ്പിക്കാനായിട്ടില്ല. അവസാനഘട്ട തെളിവുശേഖരണം നടക്കുകയാണ്. ദിലീപ് അകത്തായ ശേഷം അന്വേഷണത്തില് വലിയ പുരോഗതിയുണ്ടായിട്ടുണ്ട്. കുറ്റപത്രം ഉടന് സമര്പ്പിക്കും.
https://www.facebook.com/Malayalivartha
