കേരളം ചൂടോടെ കഴിഞ്ഞ ആഴ്ചകളില്‍ ചര്‍ച്ച ചെയ്ത രണ്ട് വിഷയങ്ങളാണ് സരിത നായരുടെ വിവാദമായ കത്തും ഗതാഗത മന്ത്രി തോമസ് ചാണ്ടിക്കെതിരായ കളക്ടര്‍ ടി.വി. അനുപമയുടെ റിപ്പോര്‍ട്ടും. ഗൗരവകരമായ കാര്യങ്ങളുമായാണ് രണ്ട് വനിതകളും സര്‍ക്കാരിനെ സമീപിച്ചത്. പക്ഷെ നിരവധി പ്രതിപക്ഷ നേതാക്കന്‍മാര്‍ക്കെതിരെ തെളിവുകളൊന്നുമില്ലാതെ ലൈംഗിക ആരോപണവുമായി രംഗത്തെത്തിയ സരിതയ്ക്കാണ് നീതി ലഭിച്ചത്. എന്നാല്‍ ശക്തമായ തെളിവുകളോടെ മന്ത്രി തോമസ് ചാണ്ടിയെക്കെതിരെ രംഗത്തെത്തിയ അനുപമയ്ക്ക് നിരാശയായിരുന്നു ഫലം. ആ റിപ്പോര്‍ട്ട് പുറം ലോകം കാണാന്‍ സാധ്യത കുറവാണ്. അത് പുറത്ത് വന്നാല്‍ ഗുരുതര നിയമ ലംഘനവും കൈയ്യേറ്റവും നടത്തിയ മന്ത്രി രാജി വയ്‌ക്കേണ്ടി വരും. 

തോമസ് ചാണ്ടിയുടെ കായല്‍ കൈയേറ്റത്തില്‍ അന്വേഷണം നടത്തിയ ചാണ്ടിക്കെതിരെ ഉന്നയിക്കപ്പെട്ട ഭൂനിയമലംഘനങ്ങള്‍ ശരിവെച്ചുകൊണ്ടുള്ള റിപ്പോര്‍ട്ടാണ് കലക്ടര്‍ ടി.വി അനുപമ സര്‍ക്കാരിന് സമര്‍പ്പിച്ചിരിക്കുന്നത്. റവന്യൂ ചട്ടങ്ങളുടെ ലംഘനം നടന്നിട്ടുണ്ടെന്നും ഇതില്‍ നടപടി വേണമെന്നും റിപ്പോര്‍ട്ടില്‍ പറയുന്നു.

റവന്യൂ പ്രന്‍സിപ്പല്‍ സെക്രട്ടറിക്കാണ് റിപ്പോര്‍ട്ട് സമര്‍പ്പിച്ചിരുന്നത്. നേരത്തേ കലക്ടര്‍ സമര്‍പ്പിച്ച റിപ്പോര്‍ട്ടില്‍ പറഞ്ഞിരുന്നതിനേക്കാള്‍ കൂടുതല്‍ നിയമലംഘനങ്ങള്‍ നടത്തിയെന്നാണ് അന്തിമ റിപ്പോര്‍ട്ടില്‍ വ്യക്തമാക്കുന്നതെന്നാണ് സൂചന.

കൈയേറ്റം വ്യക്തമായാല്‍ ഗതാഗതമന്ത്രി സ്ഥാനത്തു നിന്നു തോമസ് ചാണ്ടിയെ നീക്കാന്‍ സര്‍ക്കാറിനുമേല്‍ സമ്മര്‍ദ്ദമേറും. അതുകൊണ്ട് തന്നെയാണ് ആ റിപ്പോര്‍ട്ട് പൂഴ്ത്തുന്നതും. അതേസമയം ചികിത്സാ കാരണത്താല്‍ മന്ത്രി ലീവില്‍ പോയതിലും ദുരൂഹതയുണ്ടന്നും ആരോപണമുയുരുന്നുണ്ട്. സര്‍ക്കാറിന്റെ ഒരു തുണ്ട് ഭൂമി പോലും കൈയേറിയിട്ടില്ലെന്നും, ഉണ്ടെങ്കില്‍ താന്‍ എം എല്‍ എ സ്ഥാനവും രാജി വെക്കന്‍ തയ്യാറാണെന്നും മന്ത്രി നിയമസഭിയിലും മാധ്യമങ്ങള്‍ക്കു മുന്നിലും വ്യക്തമാക്കിയിരുന്നു. ഈ സാഹചര്യത്തില്‍ പിണറായി മന്ത്രിസസഭയില്‍ നിന്ന് അടുത്ത മന്ത്രിയും രാജിവെച്ച് പുറത്തു പോകേണ്ടി വരുമോയെന്ന് ജനം ഉറ്റുനോക്കവേയാണ് സര്‍ക്കാരിന്റെ ഈ പൂഴ്ത്തിവയ്പ്പ്.

അതേസമയം സോളാര്‍ തട്ടിപ്പ് കേസിലെ മുഖ്യപ്രതി സരിതാ നായര്‍ മുന്‍ അന്വേഷണ സംഘത്തിനെതിരെ മുഖ്യമന്ത്രിക്ക് പരാതി നല്‍കിയത്. കേസ് അന്വേഷണത്തില്‍ മുന്‍ അന്വേഷണ സംഘത്തിന് വീഴ്ചകളുണ്ടായി എന്നാണ് പരാതി. തന്നെ പ്രതിയാക്കാന്‍ കരുതിക്കൂട്ടി ശ്രമം നടന്നുവെന്നും പരാതിയില്‍ പറയുന്നു.

എന്നാല്‍ സരിതയുടെപരാതി കിട്ടയ ഉടന്‍ തന്നെ പരാതി മുഖ്യമന്ത്രി ഡിജിപിക്ക് കൈമാറി. മുന്‍ സര്‍ക്കാരിന്റെ ഭാഗമായുള്ളവര്‍ പ്രതിപ്പട്ടികയിലുള്ളതിനാല്‍ കേസ് അട്ടിമറിക്കപ്പെട്ടു. താന്‍ ഉന്നയിച്ച പരാതികള്‍ അന്വേഷിച്ചില്ല. തന്നെ പ്രതിയാക്കാന്‍ ഇപ്പോഴും ശ്രമം നടക്കുന്നുവെന്നും നീതി ലഭിച്ചില്ലെന്നും സരിതയുടെ പരാതിയില്‍ പറയുന്നു. പീഡിപ്പിച്ചവരുടെ പേരുകളും സരിത പരാതിയില്‍ ആവര്‍ത്തിക്കുന്നുണ്ട്.