പ്രശസ്ത സിനിമാ സംവിധായകന് ഐ.വി. ശശിയുടെ നിര്യാണത്തില് മുഖ്യമന്ത്രി പിണറായി വിജയന് അനുശോചിച്ചു
പ്രശസ്ത സിനിമാ സംവിധായകന് ഐ.വി. ശശിയുടെ നിര്യാണത്തില് മുഖ്യമന്ത്രി പിണറായി വിജയന് അനുശോചിച്ചു. മലയാള സിനിമയുടെ സമവാക്യങ്ങള് തിരുത്തിയെഴുതിയ ഐ.വി.ശശി അഭ്രപാളിയിലെ തിളക്കങ്ങള്ക്കപ്പുറം കഥാപാത്രങ്ങള്ക്ക് അപൂര്വ ചാരുത നല്കിയ സംവിധായകനായിരുന്നുവെന്ന് മുഖ്യമന്ത്രി പറഞ്ഞു.
ഇത്തവണത്തെ സംസ്ഥാന ചലച്ചിത്ര അവാര്ഡുദാന ചടങ്ങില് സര്ക്കാര് അദ്ദേഹത്തെ ആദരിച്ചിരുന്നു. തന്റേതായ ശൈലിയില് 150 ലേറെ സിനിമകള്ക്ക് അദ്ദേഹം ചലച്ചിത്രഭാഷ്യം ചമച്ചു. ദേശീയോദ്ഗ്രഥനത്തിനുളള ദേശീയ അവാര്ഡു ലഭിച്ച ആരൂഢം പോലുളള സിനിമകളിലൂടെ ജനമനസ്സുകളില് അദ്ദേഹം ഇടം നേടിയ സംവിധായകനായിരുന്നു ഐ.വി ശശിയെന്നും മുഖ്യമന്ത്രി ഓര്മിച്ചു.
ജെ.സി. ഡാനിയല് പുരസ്കാരം ഉള്പ്പെടെ നിരവധി ബഹുമതികള് അദ്ദേഹത്തെ തേടിയെത്തിയിട്ടുണ്ട്. സംവിധാന കലക്കായി ജീവിതം സമര്പ്പിച്ച ഐ.വി. ശശി മലയാളപ്പെരുമയെ ദേശാതീതമായി ഉയര്ത്തിയെന്ന് മുഖ്യമന്ത്രി പറഞ്ഞു. അദ്ദേഹത്തിന്റെ വേര്പാടില് കുടുംബാഗങ്ങളോടൊപ്പം ദുഃഖം പങ്കിടുന്നുവെന്ന് മുഖ്യമന്ത്രി അനുശോചന സന്ദേശത്തില് പറഞ്ഞു.
https://www.facebook.com/Malayalivartha
