ആറ്റിങ്ങല് എം.എല്.എ ബി.സത്യന് സുഖംപ്രാപിച്ചു
ആറ്റിങ്ങല് എം.എല്.എ ബി.സത്യന് ചികില്സതേടിയത് തലസ്ഥാനത്തെ പ്രമുഖ സ്വകാര്യആശുപത്രിയായ ഉള്ളൂര് റോയല് പബഌസിറ്റിയാക്കി. ഇത് സംബന്ധിച്ച വാര്ത്താക്കുറിപ്പ് എല്ലാ മാധ്യമങ്ങള്ക്കും നല്കി. ദേഹാസ്വാസ്ഥ്യത്തെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. പിന്നീട് എം.എല്.എയെ സങ്കീര്ണമായ ബൈപാസ് ശസ്ത്രക്രീയയ്ക്ക് വിധേയനാക്കി. ഹൃദയാഘാതത്തിന്റെ വക്കിലായതിനാലാണ് ബൈപാസ് ചെയ്യേണ്ടിവന്നതെന്ന് കാര്ഡിഡിയോളജിസ്റ്റായ സി.ഭരത്ചന്ദ്രന് വാര്ത്താക്കുറിപ്പില് പറയുന്നു. പൂര്ണ ആരോഗ്യവാനായ അദ്ദേഹം ആശുപത്രി വിട്ടെന്നും അധികൃതര് വ്യക്തമാക്കുന്നു.
മന്ത്രി എം.എം മണിയും എ.കെ ബാലനും ഉള്പ്പെടെയുള്ളവര് തിരുവനന്തപുരം മെഡിക്കല് കോളജിലാണ് ചികില്സതേടുന്നത്. എന്നാല് എം.എല്.എയായ ബി. സത്യന് ഏത് സാഹചര്യത്തിലാണ് സ്വകാര്യആശുപത്രിയില് ചികില്സതേടിയതെന്ന് വ്യക്തമല്ല. ഒന്നരലക്ഷത്തോളം രൂപ ഇതിനായി ചെലവാകും. പക്ഷെ, ഉളളൂര് റോയല് ആശുപത്രിക്ക് തൊട്ടടുത്തുള്ള തിരുവനന്തപുരം മെഡിക്കല് കോളജില് ഒരു രൂപ പോലും മുടക്കാതെ ബൈപാസ് നടത്താമായിരുന്നു. മുമ്പ് മുഖ്യമന്ത്രിമാരായിരുന്ന കെ.കരുണാകരനും ഉമ്മന്ചാണ്ടിയും നായനാരുമൊക്കെ മെഡിക്കല് കോളജിലായിരുന്നു ചികില്സ തേടിയിരുന്നത്.
അടുത്തകാലത്ത് മന്ത്രിമാരും എം.എല്.എമാരും സ്വകാര്യആശുപത്രികളെയും വിദേശ ഹോസ്പിറ്റലുകളെയുമാണ് ചികില്സയ്ക്കായി ആശ്രയിക്കുന്നത്. കോടീശ്വരനായ മന്ത്രി തോമസ് ചാണ്ടി ക്യാന്സര് ചികില്സയ്ക്കായി അമേരിക്കയില് പോയതിന് സര്ക്കാര് ഖജനാവില് നിന്ന് രണ്ട് കോടി രൂപയാണ് എഴുതിയെടുത്തത്. കഴിഞ്ഞ യു.ഡി.എഫ് സര്ക്കാരിന്റെ കാലത്ത് ചില എം.എല്.എമാര് ദന്ത ചികില്സയ്ക്കായി സ്വകാര്യആശുപത്രികളെ ആശ്രയിച്ചതും അതിന് ചെലവായ തുക ഖജനാവില് നിന്ന് വാങ്ങിയതും വിവാദമായിരുന്നു. സര്ക്കാര് ആശുപത്രികളില് ഒരു പൈസപോലും മുടക്കാതെ ചെയ്യാവുന്ന ചികില്സകളായിരുന്നു അത്.
https://www.facebook.com/Malayalivartha
