അനില് അക്കരയുടെ ആരോപണം മുഴുവനും വിദ്യാഭ്യാസമന്ത്രി നിഷേധിച്ചില്ല
വിദ്യാഭ്യാസമന്ത്രി കെ.എന് രവീന്ദ്രനാഥിന് മുമ്പ് ആര്.എസ്.എസ്, ബി.ജെ.പി ബന്ധം ഉണ്ടായിരുന്നെന്ന വടക്കാഞ്ചേരി എം.എല്.എ അനില് അക്കരയുടെ ഫെയിസ്ബുക്ക് പോസ്റ്റിനെതിരെ മന്ത്രി വാര്ത്താക്കുറിപ്പിറക്കി. എം.എല്.എ ഫെയിസ് ബുക്കില് തന്നെക്കുറിച്ച് പറഞ്ഞിട്ടുള്ള ആരോപണം വസ്തുതാ വിരുദ്ധമാണ്. എന്നിട്ടും യാഥാര്ത്ഥ്യം മറച്ചുവെച്ച് വ്യാജ ആരോപണങ്ങള് ഉന്നയിക്കുന്നതില് പ്രതിഷേധിക്കുന്നു എന്ന് പറഞ്ഞാണ് കുറിപ്പ് അവസാനിക്കുന്നത്. എന്നാല് മന്ത്രി ആര്.എസ്.എസ് പ്രവര്ത്തകനായിരുന്നെന്നും പണ്ട് ശാഖകളില് പങ്കെടുത്തിരുന്നെന്നും അനില് അക്കര ആരോപിച്ചിരുന്നു. അതേക്കുറിച്ച് വാര്ത്താക്കുറിപ്പില് ഒന്നും പറയുന്നില്ല. എ.ബി.വി.പി പ്രവര്ത്തകനായിരുന്ന മന്ത്രി തൃശൂര് സെന്റ് തോമസ് കോളജില് ചെയര്മാന് സ്ഥാനാര്ത്ഥിയായി പത്രിക നല്കിയിരുന്നെന്നും അനില് അക്കര ചൂണ്ടിക്കാട്ടിയിരുന്നു.
ജനസംഘം സ്ഥാപകനേതാവും ആര്.എസ്.എസ് താത്വികാചാര്യനുമായിരുന്ന ദീന് ദയാല് ഉപാധ്യായയുടെ ജന്മശതാബ്ദി ആഘോഷിക്കാന് സംസ്ഥാനത്തെ സ്കൂളുകള്ക്ക് വിദ്യാഭ്യാസ വകുപ്പ് നിര്ദ്ദേശം നല്കിയിരുന്നു. ഇത് വിവാദമായതോടെയാണ് എം.എല്.എ മന്ത്രിയുടെ പൂര്വാശ്രമ കഥകള് ഫെയിസ്ബുക്കിലൂടെ പ്രസിദ്ധീകരിച്ചത്. ദീന്ദയാല് ഉപാധ്യയുടെ ജന്മശതാബ്ദി സ്കൂളുകളില് ആഘോഷിക്കാന് എല്ലാ സ്കൂളുകളിലെ പ്രഥമ അധ്യാപകര്ക്കും ഉപജില്ലാ വിദ്യാഭ്യാസ ഓഫീസര്മാര്ക്കും വിദ്യാഭ്യാസ ഉപഡയരക്ടര്മാക്കും നിര്ദേശം നല്കികൊണ്ടുള്ള പൊതു വിദ്യാഭ്യാസ ഡയരക്ടറുടെ സര്ക്കുലര് സര്ക്കാരിന്റെയോ തന്റെയോ അറിവോടെയല്ലെന്ന് മന്ത്രി വ്യക്തമാക്കിയിരുന്നു.
കേന്ദ്രമാനവ വിഭവ ശേഷി മന്ത്രാലയത്തിന്റെ നിര്ദേശപ്രകാരമാണ് സര്ക്കുലര് ഇറക്കിയതെന്ന് പൊതുവിദ്യഭ്യാസ ഡയരക്ടറുടെ വിശദീകരണം. വിദ്യാഭ്യാസ മന്ത്രിയുടെയും സര്ക്കാറിന്റെയും അനുമതിയോടെയാണ് സര്ക്കുലറെന്നും വിശീദീകരിക്കുന്നുണ്ട്. കഴിഞ്ഞ ആഗസ്റ്റിലാണ് കേന്ദ്ര മാനവ വിഭവ ശേഷി സെക്രട്ടറി അനില് സ്വരൂപ് പൊതു വിദ്യാഭ്യാസസെക്രട്ടറി ഉഷടൈറ്റസിന് പണ്ഡിറ്റ് ദീന്ദയാല് ഉപാധ്യായയുടെ ജന്മദിനം സ്കൂളുകളില് ആഘോഷിക്കണമെന്ന് നിര്ദേശം നല്കിയത്. തുടര്ന്ന് നടപടി ക്രമങ്ങളും മറ്റും വിവരിച്ചുകൊണ്ടുള്ള നിര്ദേശം ഉഷടൈറ്റസ് പൊതു വിദ്യാഭ്യസ ഡയരക്ടര്ക്ക് കൈമാറുകയായിരുന്നു. ഇതുപ്രകാരമാണ് സംഘ പരിവാര് ആശയങ്ങള് കുട്ടികളില് അടിച്ചേല്പ്പിക്കാന് ലക്ഷ്യമിട്ടുള്ള സര്ക്കുലര് പൊതു വിദ്യാഭ്യാസ ഡയരക്ടര് ഇറക്കിയത്.
https://www.facebook.com/Malayalivartha
