അര്‍ച്ചന കൊലക്കേസില്‍ സീരിയല്‍ സംവിധായകനായ പ്രതിക്ക് ജീവപര്യന്തം തടവും പിഴയും. വിവാഹമോചനത്തിന് തയ്യാറാകാത്ത രണ്ടാം ഭാര്യയെ കൊലപ്പെടുത്തിയ കേസില്‍ ദേവന്‍ കെ പണിക്കര്‍ എന്ന ദേവദാസിനാണു തിരുവനന്തപുരം അതിവേഗ കോടതി തടവും പിഴയും വിധിച്ചത്. ദേവദാസും അര്‍ച്ചനയുമായുള്ള വിവാഹം ആദ്യ ഭാര്യ അറിഞ്ഞതോടെ സംവിധായകന്‍ വിവാഹമോചനത്തിന് ശ്രമിച്ചു.

എങ്കിലും അര്‍ച്ചനാ വഴങ്ങിയില്ല. ഇതു കൊലപാതകത്തിലേയ്ക്കു നയിക്കുകയായിരുന്നു. നിലവിളക്കിന് അടിച്ചും കത്തിക്ക് കുത്തിയുമാണ് കൊലപ്പെടുത്തിയത് എന്നു പറയുന്നു. 2009 ലായിരുന്നു കേസിന് ആസ്പദമായ സംഭവം. 17 സാക്ഷികളുടെയും 22 തൊണ്ടിമുതലിന്റെയും അടിസ്ഥനാത്തിലാണ് കോടതി നിഗമനം.

കൊലപാതകത്തിന് ജീവപര്യന്തം തടവും രണ്ടു ലക്ഷം രൂപ പിഴയും, തെളിവ് നശിപ്പിച്ചതിന് അഞ്ചുവര്‍ഷം തടവും പതിനായിരം രൂപ പിഴയുമാണു ശിക്ഷ. ശിക്ഷ ഒരുമിച്ച് അനുഭവിച്ചാല്‍ മതി എന്നു കോടതി പറയുന്നു. മകള്‍ മരിച്ച ദു:ഖത്തില്‍ അര്‍ച്ചനയുടെ അമ്മ ഒരു ആഴ്ചയ്ക്കു ശേഷം ആത്മഹത്യ ചെയ്തിരുന്നു. വട്ടിയൂര്‍കാവ് ചിത്രലെയ്‌നിലെ വാടകവീട്ടില്‍ മെത്തയില്‍ പൊതിഞ്ഞ നിലയിലായിരുന്നു മൃതദേഹം.

വാടക വീട്ടില്‍ നിന്നു ദുര്‍ഗന്ധം വന്നതോടെ നാട്ടുകാര്‍ പോലീസില്‍ വിരമറിയിക്കുകയായിരുന്നു. തുടര്‍ന്നു വീടു പരിശോധിച്ചപ്പോഴായിരുന്നു അഞ്ചു ദിവസം പഴക്കമുള്ള മൃതദേഹം കണ്ടെത്തിയത്. തുടര്‍ന്നു നടത്തിയ അന്വേഷണത്തില്‍ ദേവന്‍ കെ പണിക്കര്‍ എന്ന ദേവദാസിനെ പോലീസ് അറസ്റ്റ് ചെയ്യുകയായിരുന്നു.