ഖദീജ പതിമൂന്നാം വയസ്സില് മകളായി വന്നു, വീട്ടില് നമസ്ക്കാരത്തിന് പ്രത്യേക സൗകരങ്ങള് ഒരുക്കി, നോമ്പു നാളുകളില് മകള്ക്ക് ഇഷ്ടപ്പെട്ട വിഭവങ്ങള് നല്കി, ഖദീജയെ അക്ബറിന്റെ മണവാട്ടിയായി കൈപിടിച്ച് കൊടുത്തു, മതവിശ്വാസത്തിന്റെ വേലിക്കെട്ടുകള് പൊളിച്ചെഴുതിയ മദനന്റെയും ഖദീജയുടെയും കഥ ഇങ്ങനെ
മതത്തിന് സ്ഥാനമില്ലെന്ന് തെളിയിക്കുന്ന സംഭവമാണ് ഖദീജയുടെ വിവാഹം.അച്ഛന്റെ സ്ഥാനത്ത് നിന്ന് പിതൃവാത്സ്യല്യത്തിന്റെ പൂര്ണ്ണതയില് മദനന് ഖദീജയെ അക്ബറിന്റെ മണവാട്ടിയായി കൈപിടിച്ച് നല്കി.അമ്മയായി തങ്കമണിയും.മനുഷ്യസ്നേഹത്തിന്റെ ആത്മബന്ധം പൂത്തുലഞ്ഞ ഈ വിവാഹം നടന്നത് ചെന്ത്രാപ്പിന്നി ചിറയ്ക്കല് മഹല്ല മദ്രസ ഹാളിലായിരുന്നു.
പതിമൂന്നാം വയസ്സില് മകളായി ഖദീജ വീട്ടിലെത്തി.ഖദീജയുടെ വിവാഹചെലവുകള് വഹിച്ചത് മദനും കുടുംബവുമായിരുന്നു. മതവിശ്വാസത്തിന്റെ വേലിക്കെട്ടുകള് പൊളിച്ചും അതിന്റെ ആത്മീയ അന്തസ്സത്തയില് കൈകടത്താതെയും ഖദീജയായി തന്നെയാണ് മദനന് മകളെ വളര്ത്തിയതും.
നോമ്പു നാളുകളില് മകള്ക്ക് ഇഷ്ടപ്പെട്ട വിഭവങ്ങള് നല്കിയും വീട്ടില് നമസ്ക്കാരത്തിന് പ്രത്യേക സൗകരങ്ങള് ഒരുക്കിയും മകളുടെ വിശ്വാസത്തില് ഇടപെടാതെ അതിനെ ഉള്ക്കൊണ്ടു തന്നെയാണ് മദനന് വരനെ കണ്ടെത്തിയതും വിവാഹം നടത്തിയതും.
അനുയോജ്യനായ വരനെ കണ്ടെത്തി വിവാഹം ചെയ്തു.ചെന്ത്രാപ്പിന്നി ചിറയ്ക്കല് മഹല്ല് പള്ളിപ്പാടത്ത അബുവിന്റെ മകന് അക്ബറിലായിരുന്നു വരന് . തുടര്ന്ന് പുതിയകാവ് ജുമാ മസ്ജിദ് ഇമാം ഷംസുദ്ദീന് വഹബി കാര്മ്മികനായി. പ്രസിഡന്റ് സെയ്ത് മുഹമ്മദ് ഹാജി ഉള്പ്പെടെയുള്ളവര് സാക്ഷികളായി. ഖദീജയുടെയും മദനന്റെയും ബന്ധുക്കളും വിവാഹത്തിനെത്തി. മകളുടെ വിവാഹശേഷമുള്ള ചടങ്ങുകള്ക്കായി ഒരുങ്ങുകയാണ് മദനനും ഭാര്യയും.
മദനന്റെ മക്കളായ മുകേഷും മുകിലും ഗള്ഫിലാണ്. സലാലയില് പ്രൊഫസറാണ് മുകേഷ്. മുകില് ദുബായില് ഐടി രംഗത്ത് പ്രവര്ത്തിക്കുന്നു. പ്രവാസം വിട്ട് നാടിന്റെ പച്ചപ്പ് തേടിയെത്തിയ മദനന് പാലക്കാട് ചെര്പ്പുളശ്ശേരിയിലെ ദാരിദ്ര്യത്തിന്റെ പടുകുഴിയിലായിരുന്ന ഖദീജയുടെ വിവരം നല്കിയത് ഗള്ഫിലെ പാലക്കാട്ടുകാരനായ സുഹൃത്താണ്.
പെണ്മക്കളില്ലാത്ത മദനനും ഭാര്യ തങ്കമണിക്കും കൗമാര കാലത്തില് തന്നെ ഖദീജ മകളായി മാറി. വെറും വളര്ത്തച്ഛനായിരുന്നില്ല ഖദീജയ്ക്ക് മദനന്. മതങ്ങളുടെ വേലിക്കെട്ടുകള് തീര്ക്കാതെ വളര്ത്തുമകളെ അവളായി തന്നെ ജീവിക്കാന് വിട്ടു. വിശ്വാസങ്ങളില് അതിക്രമിച്ച് കയറാതെ അതിന്റെ അസ്ഥിത്വത്തില് തന്നെ നില നിന്ന് വളരാന് ആവശ്യമായതെല്ലാം ചെയ്തു.
നോമ്പുകാലത്ത് അവള്ക്കിഷ്ടപ്പെട്ട വിഭവങ്ങള് നല്കി. പ്രാര്ത്ഥനയ്ക്ക് വീട്ടില് പ്രത്യേക സൗകരം നല്കി. ഒടുവില് വിവാഹപ്രായമെത്തിയപ്പോള് അവളുടെ വിശ്വാസത്തെ ഹനിക്കാത്ത വിധമുള്ള ബന്ധം നല്കുകയും ചെയ്തു.
https://www.facebook.com/Malayalivartha
