കാമുകനുമായി ശരീരികബന്ധത്തിലേര്പ്പെടുന്നത് നാല് വയസുകാരി കാണാനിടയായി, കാമുകനുമായുള്ള ബന്ധത്തിന് കുഞ്ഞ് തടസമാണെന്ന് അമ്മ തീരുമാനിച്ചു, അമ്മയും കാമുകനും സുഹൃത്തും ചേര്ന്ന് കുഞ്ഞിനെ കൊന്നശേഷം കുഴിച്ചുമൂടി, മരിക്കുന്നതിന് മുമ്പ് കുട്ടി പീഡനത്തിനിരയായി, സംഭവത്തെ കുറിച്ച് പോലീസ് പറയുന്നത് ഇങ്ങനെ
നാല് വയസുകാരിയെ കൊലപ്പെടുത്തിയ സംഭവത്തില് കുട്ടിയുടെ അമ്മയും കാമുകനും സുഹൃത്തും കുറ്റക്കാരെന്ന് എറണാകുളം പോക്സോ കോടതി. കാമുകനുമായുള്ള വഴിവിട്ടബന്ധത്തിന് തടസമാണെന്ന് കരുതിയാണ് ചോറ്റാനിക്കരയില് നാല് വയസുകാരിയെ കൊലപ്പെടുത്തിയത്.
കരിങ്ങാച്ചിറ എംഡിഎം. എല്പി സ്കൂളില് എല്കെജി വിദ്യാര്ഥിനിയായിരുന്ന അക്സയാണ് ക്രൂരമായി കൊല്ലപ്പെട്ടത്. അമ്മ റാണി, കാമുകന് രഞ്ജിത്ത്, സുഹൃത്ത് ബേസില് എന്നിവരെയാണു കുറ്റക്കാരെന്ന് കോടതി കണ്ടെത്തിയത്. പ്രതികള്ക്കെതിരെ കൊലപാതകത്തിനും ഗൂഢാലോചനയ്ക്കും പോക്സോ വകുപ്പുകള് ചുമത്തിയിട്ടുണ്ട്. കേസില് നാളെ വിധിപ്രസ്താവിക്കും.
2013 ഒക്ടോബറിലായിരുന്നു കേസിനാസ്പദമായ സംഭവം. ഭര്ത്താവുമായി പിരിഞ്ഞ റാണി, കാമുകനൊപ്പം വാടകവീട്ടില് താമസിക്കുകയായിരുന്നു. ഈ ബന്ധത്തിന് മകള് തടസമെന്ന് തോന്നിയതാണ് കൊലപാതകത്തിന് കാരണമെന്നാണ് പ്രോസിക്യൂഷന് കേസ്. അമ്മയും കാമുകനും സുഹൃത്തും ചേര്ന്ന് കുഞ്ഞിനെ കൊന്നശേഷം ആരക്കുന്നത്ത് മണ്ണെടുക്കുന്ന സ്ഥലത്ത് കുഴിച്ചുമൂടുകയായിരുന്നു. കുട്ടി പീഡനത്തിരയായിട്ടുണ്ടെന്നും ആന്തരാവയവങ്ങള്ക്കു ക്ഷതമേറ്റിട്ടുണ്ടെന്നും പോസ്റ്റ്മോര്ട്ടം റിപ്പോര്ട്ടില് വ്യക്തമാക്കിയിരുന്നു.
കുട്ടിയെ കാണാനില്ലെന്ന് ചോറ്റാനിക്കര പൊലീസില് പിന്നീട് റാണി പരാതി നല്കി. പോലീസ് നടത്തിയ അന്വേഷണത്തിലാണു കൊലപാതകവിവരം പുറത്തായത്. അമ്മയുടെ മൊഴിയില് വൈരുധ്യം തോന്നിയതോടെ കൂടുതല് ചോദ്യം ചെയ്തപ്പോഴാണു കേസിന്റെ ചുരുളഴിഞ്ഞത്.
https://www.facebook.com/Malayalivartha
