ജസ്റ്റിസ് ഡി ശ്രീദേവിയുടെ മരണത്തില് മുഖ്യമന്ത്രി അനുശോചനം രേഖപ്പെടുത്തി
കേരള ഹൈക്കോടതി മുന് ജഡ്ജിയും സംസ്ഥാന വനിതാ കമ്മീഷന് മുന് അധ്യക്ഷയുമായ ജസ്റ്റിസ് ഡി ശ്രീദേവിയുടെ മരണത്തില് മുഖ്യമന്ത്രി പിണറായി വിജയന് അനുശോചിച്ചു. നീതിന്യായ രംഗത്ത് സാമൂഹിക പ്രതിബദ്ധതയോടെ പ്രവര്ത്തിച്ച ജഡ്ജിയായിരുന്നു ഡി ശ്രീദേവി. സമൂഹത്തെക്കുറിച്ച് അവര് സൂക്ഷിച്ചിരുന്ന കരുതല് ജഡ്ജിയായിരിക്കെയും വനിതാ കമ്മീഷന്റെ അധ്യക്ഷയായിരിക്കെയുമൊക്കെ മലയാളികള് മനസ്സിലാക്കിയിരുന്നതാണ്. നിയമ സാങ്കേതികതക്കുള്ളില് കുടുങ്ങിപ്പോകാതെ സമൂഹത്തിന്റെ നന്മ എന്ന പൊതുവായ ചിന്ത കൂടി മനസ്സിലിരുത്തിക്കൊണ്ട് കേസുകള് കൈകാര്യം ചെയ്യുന്നതില് ജസ്റ്റിസ് ശ്രീദേവി മുന്നോട്ടുവെച്ച മാതൃക ശ്രദ്ധേയമായിരുന്നു. സ്ത്രീകളുടെ പ്രശ്നങ്ങള് പരിഹരിക്കാന് വനിതാകമ്മീഷന് അധ്യക്ഷയെന്ന നിലയില് അവര് നടത്തിയ ഇടപെടലുകള് ശ്രദ്ധേയമാണ്. നിയമരംഗത്ത് തനിക്കുള്ള പരിചയസമ്ബത്തും പ്രാഗത്ഭ്യവും സ്ത്രീകളുടെ കണ്ണീരൊപ്പാന് അവര് വിനിയോഗിച്ചു. കുടുംബാംഗങ്ങളോടൊപ്പം ദു:ഖം പങ്കിടുന്നു എന്ന് അനുശോചന കുറിപ്പില് മുഖ്യമന്ത്രി പറഞ്ഞു.
https://www.facebook.com/Malayalivartha
