രക്തത്തിലെ പ്ലേറ്റ്ലറ്റ് കൗണ്ട് കുറഞ്ഞ് മുഖ്യമന്ത്രിയെ ആശുപത്രിയിൽ പ്രവേശിപ്പിച്ചെന്നും, ആരോഗ്യ നില ഗുരുതരമാണെന്നും പറഞ്ഞു വാർത്ത നൽകിയ മാധ്യമ പ്രവര്‍ത്തകര്‍ക്കെതിരെ മുഖ്യമന്ത്രി പിണറായി വിജയന്‍ രംഗത്ത്. താന്‍ വണ്ടിയിടിച്ചു മരിക്കുന്നില്ലല്ലോ എന്നു പറഞ്ഞ മാധ്യമ പ്രവര്‍ത്തകരുണ്ട് അവരാണ് ഇത്തരം വാര്‍ത്തകള്‍ക്ക് പിന്നിലെന്ന് മുഖ്യമന്ത്രി ആരോപിച്ചു.

'എനിക്ക് ആരോഗ്യ പ്രശ്നങ്ങളുണ്ടാകണമെന്ന് ചിലര്‍ ആഗ്രഹിക്കുന്നുണ്ടാകാം പതിവു പരിശോധനയ്ക്കായാണ് ചെന്നൈയില്‍ പോയത്. കഴിഞ്ഞ 15 വര്‍ഷമായി ഇതു തുടരുന്നു. പ്ലേറ്റ്ലറ്റ് കൗണ്ട് കുറഞ്ഞെന്നും മറ്റുമുള്ള വാര്‍ത്തകള്‍ ചിലരുടെ ആഗ്രഹങ്ങളാണ്. അങ്ങനെ ആഗ്രഹിച്ചതു കൊണ്ട് ഒരാള്‍ക്കും ഒന്നും സംഭവിക്കില്ല.'

കുറച്ചു കാലം മുന്‍പ് ഏകെജി ഭവനിലേയ്ക്ക് നടന്നു വരുമ്പോള്‍ അവിടെ കൂടി നിന്ന മാധ്യമ പ്രവര്‍ത്തകരിലൊരാള്‍ 'എത്രയാള്‍ക്കാര്‍ വണ്ടിയിടിച്ച്‌ മരിക്കുന്നു, ഇയാള്‍ മരിക്കുന്നില്ലല്ലോ' എന്ന് കൂടെയുള്ളവരോട് പറഞ്ഞു. അങ്ങനെയുള്ള വികാരക്കാരാണ് ഇത്തരം വാര്‍ത്തകള്‍ക്ക് പിന്നില്‍ എന്നും മുഖ്യമന്തി പറഞ്ഞു.