ബാര്‍ കോഴക്കേസില്‍ കെ.എം.മാണിയെ കുറ്റവിമുക്തനാക്കി വീണ്ടും വിജിലന്‍സ് റിപ്പോര്‍ട്ട് വന്നതോടെ ബാര്‍കോഴ കേസില്‍ സിബിഐ അന്വേഷണം വേണമെന്ന ആവശ്യവുമായി ഭരണപരിഷ്‌കാര കമ്മീഷന്‍ അധ്യക്ഷന്‍ വിഎസ് അച്യുതാനന്ദന്‍. ഇൗ ആവശ്യമുന്നിയിച്ച് വി.എസ് മുഖ്യമന്ത്രി പിണറായി വിജയനു കത്ത് നല്‍കി.

ബാർകോഴക്ക് പുറമെ മൈക്രോ ഫിനാന്‍സ് പാറ്റൂര്‍ കേസുകളിലും സിബി ഐ അന്വേഷണം വേണമെന്നും വി എസ് ആവശ്യപ്പെട്ടു. കോടതികളില്‍ നിന്നും കനത്ത തിരിച്ചടി കിട്ടുന്നത് എന്തു കൊണ്ടാണെന്ന കാര്യം പരിശോധിക്കണമെന്നും വിജലന്‍സ് അന്വേഷണത്തെ ഹൈക്കോടതി നിരവധി തവണ വിമര്‍ശിച്ചിട്ടുണ്ടെന്നും വിഎസ് കത്തിൽ ചൂണ്ടിക്കാട്ടുന്നു.

കഴിഞ്ഞ യുഡിഎഫ് സര്‍ക്കാരിന്റെ കാലത്ത് ഏറെ രാഷ്ട്രീയ വിവാദങ്ങള്‍ക്ക് കാരണമായ സംഭവമായിരുന്നു ബാര്‍ കോഴ. അന്നത്തെ ധനമന്ത്രിയായിരുന്നു കെ.എം മാണിക്ക് നേരെയായിരുന്നു ആരോപണങ്ങള്‍. എന്നാൽ സംഭവത്തില്‍ മാണിക്കതിരെ തെളിവില്ലെന്ന്  വ്യക്തമാക്കിയിരിക്കുകയാണ് വിജിലന്‍സ്.