ബാർക്കോഴ കേസിൽ സർക്കാർ ഇടപെടൽ ഉണ്ടായിട്ടില്ലെന്നും തെളിവുകളുടെ അടിസ്ഥാനത്തിലാണ് വിജിലന്‍സ് നിലപാടെടുത്തതെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ബാർക്കോഴ കേസിൽ വിജിലൻസ് മാണിക്ക് വീണ്ടും ക്ലീൻ ചിറ്റ് നൽകിയതിന് പിന്നാലെയായിരുന്നു കോടിയേരിയുടെ പ്രതികരണം.

മാണിയെ മുന്നണിയിലെടുക്കുന്നത് സംബന്ധിച്ച്‌ എല്ലാ കക്ഷികളുമായും ആലോചിച്ച്‌ മാത്രമേ തീരുമാനിക്കുവെന്നും കോടിയേരി മാധ്യമങ്ങളോട് പറഞ്ഞു. ഇക്കാര്യത്തില്‍ മുന്നണി തീരുമാനങ്ങളൊന്നും എടുത്തിട്ടില്ല. മാണി നേരത്തെ ഇടതുപക്ഷത്തിനൊപ്പം ഉണ്ടായിരുന്നുവെന്നും അവരാണ് ഇക്കാര്യത്തില്‍ തീരുമാനം പറയേണ്ടതെന്നും കോടിയേരി വ്യക്തമാക്കി.