മുഖ്യമന്ത്രിയെ വധിക്കുമെന്ന് ഭീഷണി: സി.പി.എമ്മിനോടുള്ള വിരോധം മൂലമാണ് മുഖ്യമന്ത്രിക്കുനേരേ വധഭീഷണി മുഴക്കിയത്, കളഞ്ഞുപോയ സിം കാര്ഡാണ് വിളിക്കാനായി യുവാവ് ഉപയോഗിച്ചത്
മുഖ്യമന്ത്രി പിണറായി വിജയനെ വധിക്കുമെന്നു ഫോണിലൂടെ ഭീഷണിപ്പെടുത്തിയ യുവാവ് അറസ്റ്റില്. ദീര്ഘകാലം പഴയങ്ങാടി ചെറുതാഴത്ത് താമസിച്ചിരുന്ന വിജേഷ് കുമാറി(32)നെയാണ് കണ്ണൂര് ടൗണ് പോലീസ് അറസ്റ്റ് ചെയ്തത്. സി.പി.എമ്മിനോടുള്ള വിരോധം മൂലമാണു മുഖ്യമന്ത്രിക്കുനേരേ വധഭീഷണി മുഴക്കിയതെന്ന് ഇയാള് പോലീസിനോടു പറഞ്ഞു.
ഇയാള് നേരത്തേ സി.പി.എമ്മിന്റെ പയ്യന്നൂര് ഏരിയാ കമ്മിറ്റി ഓഫീസിലേക്കു ഫോണ് ചെയ്തു നേതാക്കളെ വധിക്കുമെന്നു ഭീഷണിപ്പെടുത്തിയിട്ടുണ്ടെന്നു പോലീസ് പറഞ്ഞു. എറണാകുളത്തെ ഒരു മാര്യേജ് ബ്യൂറോയില് ഇയാള് ജോലി ചെയ്തിരുന്നു. ശനിയാഴ്ച ഉച്ചയോടെ സി.പി.എം. കണ്ണൂര് ജില്ലാ സെക്രട്ടറി പി. ജയരാജന്റെ ഫോണിലേക്കാണു മുഖ്യമന്ത്രിയെ ഒരു ദിവസത്തിനകം വധിക്കുമെന്നു ഭീഷണിസന്ദേശം ലഭിച്ചത്.
കണ്ണൂരില്നിന്നാണു ഫോണ് സന്ദേശം വന്നതെന്നും ഒരു യുവതിയുടെ പേരിലാണ് ഈ സിം കാര്ഡ് രജിസ്റ്റര് ചെയ്തിരിക്കുന്നതെന്നും െസെബര് സെല് കണ്ടെത്തി. കളഞ്ഞുപോയ സിം കാര്ഡാണ് ഇതെന്നു യുവതി പോലീസിനോടു പറഞ്ഞു. തുടര്ന്നു നടത്തിയ അന്വേഷണത്തിലാണു വിജേഷ് കുമാര് പിടിയിലായത്. ഇന്നു കോടതിയില് ഹാജരാക്കും.
ഭീഷണി സന്ദേശമെത്തുമ്ബോള് മുഖ്യമന്ത്രി ചൈന്നെയില് അപ്പോളോ ആശുപത്രിയില് ചികിത്സയിലായിരുന്നു. ഉടന് തമിഴ്നാട് പോലീസിനെ വിവരമറിയിച്ച് ശക്തമായ സുരക്ഷ ഏര്പ്പെടുത്തുകയും ചെയ്തു. പ്രതി ആര്.എസ്.എസ്. അനുയായിയെന്നു പോലീസ് അറിയിച്ചു
https://www.facebook.com/Malayalivartha
