ചെറുകിട ഇടത്തരം വ്യവസായ സംരംഭങ്ങളെ സഹായിക്കാന് പ്രത്യേക പാക്കേജ് തയ്യാറാക്കുമെന്ന് വ്യവസായമന്ത്രി
സൂക്ഷ്മ ചെറുകിട ഇടത്തരം വ്യവസായ സംരംഭങ്ങളെ സഹായിക്കാന് പ്രത്യേക പാക്കേജ് തയ്യാറാക്കുമെന്ന് വ്യവസായ മന്ത്രി എ.സി. മൊയ്തീന്. ഈ വിഭാഗത്തിലെ പദ്ധതികളില് പലതും തകര്ച്ച നേരിടുന്നു. അവ പുനരുജ്ജീവിപ്പിക്കും. വാണിജ്യ സംബന്ധമായ പ്രവര്ത്തനങ്ങള് പ്രോത്സാഹിപ്പിക്കാന് വാണിജ്യ മിഷന് ആരംഭിക്കും. കരിമണല് ഖനനത്തിന് എല്ലാ വിഭാഗം ജനങ്ങളോടും ചര്ച്ച നടത്തി സമവായമുണ്ടാക്കുമെന്നും ധനാഭ്യര്ത്ഥന ചര്ച്ചയ്ക്ക് മറുപടിയായി അദ്ദേഹം വ്യക്തമാക്കി.
പൊതുമേഖലയുടെ ഭാവി വികനത്തിനുള്ള പദ്ധതി സര്ക്കാര് തയ്യാറാക്കിയിട്ടുണ്ട്. കഴിഞ്ഞ സര്ക്കാരിന്റെ കാലത്ത് നഷ്ടത്തിലായ സ്ഥാപനങ്ങള് ലാഭത്തിലെത്തിത്തുടങ്ങി. ഖാദി-കൈത്തറി ഉള്പ്പെടെയുള്ള പരമ്പരാഗത വ്യവസായമേഖല നേരിടുന്ന പ്രശ്നങ്ങള് പരിഹരിക്കും. ടെക്സ്റ്റൈല് ഇലക്ട്രിക്കല് മേഖലകളിലെ പ്രശ്നങ്ങള്ക്കും പരിഹാരം കാണും.സുപ്രീംകോടതിയുടെയടക്കം വിധികളെതുടര്ന്ന് ഖനനമേഖല നേരിടുന്ന പ്രശ്നം പരിഹരിക്കും.
ചെറുകിട ക്വാറികള് തുറക്കുന്നതിന് ജില്ലാ കളക്ടര്മാര് ചെയര്മാനായി ജില്ലാതല പരിസ്ഥതി ആഘാത കമ്മിറ്റി രൂപീകരിച്ചിട്ടുണ്ട്. മണല്ക്ഷാമം പരിഹരിക്കാന് വിദേശത്തുനിന്ന് മണലെത്തിക്കാന് ചട്ടങ്ങളില് ഭേദഗതി വരുത്തി. വിദേശത്തുനിന്ന് കരിങ്കല് എത്തിക്കുന്നതിന് സന്നദ്ധത അറിയിച്ച് ഒരു സ്ഥാപനം സമീപിച്ചിട്ടുണ്ട്. ചവറയിലെ മിനറല് കോംപ്ലക്സ് നിര്മാണത്തിനുള്ള പദ്ധതി അതിവേഗം നടക്കുകയാണ്. അവിടെനിന്ന് മൂല്യവര്ദ്ധിത ഉത്പന്നങ്ങളുണ്ടാക്കും.
കെ.എം.എല്.എല്ലിനടുത്തുള്ള 180 ഏക്കര് ഭൂമി പദ്ധതിക്കായി ഏറ്റെടുക്കും. മൂല്യവര്ദ്ധിത ഉത്പന്നങ്ങളുടെ വിപണ സാദ്ധ്യതയെപ്പറ്റി പഠനം നടത്തിവരികയാണ്. പെട്രോ കെമിക്കല് പാര്ക്കിന് 481 ഏക്കര് സ്ഥലം ഏറ്റെടുക്കാനും ധാരണയായി. കിഫ്ബി മുഖേന 1800 കോടി രൂപ അനുവദിക്കും.
തോന്നയ്ക്കലില് മെഡിക്കല് ഡിവൈസസ് പാര്ക്ക്, കോഴിക്കോട് നാളികേര പാര്ക്ക്, എറണാകുളത്ത് ലോജിസ്റ്റിക് പാര്ക്ക്, സിയാല്മോഡലില് റബര് പാര്ക്ക്, കുണ്ടറ സിറാമിക്, ട്രാവന്കൂര് സിമന്റ്സ് എന്നിവയ്ക്കെല്ലാം പ്രത്യേക പരിഗണനയാണ് സര്ക്കാര് നല്കുന്നത്. അഞ്ച് വ്യവസായ പാര്ക്കുകളില് സ്ത്രീജീവനക്കാര്ക്കുള്ള വിശ്രമകേന്ദ്രവും ക്രഷ്, അടക്കമുള്ള സൗകര്യവും ഒരുക്കും.
https://www.facebook.com/Malayalivartha
