വരാപ്പുഴ കസ്റ്റഡി മരണവുമായി ബന്ധപ്പെട്ട് സംസ്ഥാന മനുഷ്യാവകാശ കമ്മീഷന്‍ പോലീസിനെ രൂക്ഷമായി വിമര്‍ശിച്ചു. ഏറെ പരിതാപകരമായ സംഭവമാണ് ഉണ്ടായതെന്ന് കമ്മീഷന്‍ ആക്ടിംഗ് ചെയര്‍മാന്‍ ജസ്റ്റീസ് പി.മോഹനദാസന്‍ പറഞ്ഞു. ശ്രീജിത്തിന്റെ മരണത്തിന് ഉത്തരവാദികളായ ഉദ്യോഗസ്ഥരെ സര്‍വീസില്‍ നിന്ന് മാറ്റി നിര്‍ത്തണമെന്നും ആളുമാറി ശ്രീജിത്തിനെ കസ്റ്റഡിയിലെടുത്തുവെന്നത് ഏറെ ഗൗരവതരമാണെന്നും കമ്മീഷന്‍ വ്യക്തമാക്കി.

ശ്രീജിത്തിനെ ചവിട്ടിയ പോലീസുകാരനും കണ്ടു നിന്നവരും പ്രതികളാണെന്നും അദ്ദേഹം പറഞ്ഞു.