പൂര പ്രേമികളെ നിരാശരാക്കി ലോക്‌നാഥ് ബെഹ്‌റയുടെ പുതിയ ഉത്തരവ്. തൃശൂർ പൂരം കാണാന്‍ വരുന്നവര്‍ക്ക് വെടിക്കെട്ട് നടക്കുന്ന സ്ഥലത്തേക്ക് പ്രവേശനാനുമതി നിഷേധിച്ച്കൊണ്ടാണ് ലോക്നാഥ് ബെഹ്റയുടെ പുതിയ ഉത്തരവ്.

24 ന് പൂരത്തിന് തുടക്കം കുറിക്കുമ്പോള്‍ സാമ്പിള്‍ വെടിക്കെട്ടുള്‍പ്പടെ കാണാന്‍ ആവേശത്തിലാണ് പൂരപ്രേമികള്‍. എന്നാല്‍ പൂരത്തിന്റെ നിറസാനിധ്യമായ വെടിക്കെട്ട് കാണാനുള്ള അവസരം നിഷേധിക്കുന്നത് പൂരപ്രേമികളെ നിരാശരാക്കുന്നു.

കൂടാതെ വെടിക്കെട്ടു നടക്കുന്ന സ്ഥലത്തിനു തൊട്ടടുത്തുള്ള പെട്രോള്‍ ബങ്കുകളിലെ ഇന്ധനം കാലിയാക്കണമെന്നും ബെഹ്‌റ പുറപ്പെടുവിച്ച ഉത്തരവിൽ നിര്‍ദേശിക്കുന്നു. കുടമാറ്റത്തിന് രണ്ടു വിഭാഗങ്ങള്‍ക്കിടയില്‍ കാണികളെ നിര്‍ത്താനുള്ള ശ്രമത്തിലും പൊലീസ് നിയന്ത്രണം ഏര്‍പ്പെടുത്താന്‍ ശ്രമിക്കുണ്ട്. സുരക്ഷ കണക്കിലെടുത്താണ് ഇത്തരം നിയന്ത്രണങ്ങൾ ഏർപ്പെടുത്തിയിരിക്കുന്നത്. ദേവസ്വവും പൊലീസും തമ്മില്‍ ഇതുസംബന്ധിച്ച ചര്‍ച്ചകള്‍ നടത്തികഴിഞ്ഞു.