മലപ്പുറത്തെ ബാല പീഡന ദൃശ്യങ്ങൾ പുറത്ത് വന്നതിനു പിന്നാലെ പ്രതിയുടെ പേര് ആദ്യം പുറത്തുവിട്ട് മലയാളിവാർത്ത . മലപ്പുറത്തെ ഒരു സിനിമാ തിയേറ്ററില്‍ വെച്ച് പത്തു വയസില്‍ താഴെയുള്ള പെണ്‍കുട്ടിക്ക് നേയുള്ള ഞെട്ടിക്കുന്ന പീഡനദൃശ്യങ്ങളാണ് പുറത്തുവന്നത് . ആഡംബര വാഹനത്തിലെത്തിയ വ്യക്തി അമ്മയെന്ന് തോന്നിപ്പിക്കുന്ന സ്ത്രീയുടെ സഹായത്തോടെയാണ് പെണ്‍കുട്ടിയെ തീയറ്ററിനുള്ളിൽവെച്ച് ക്രൂരമായി പീഡിപ്പിച്ചത്.

പീഡനത്തിന്റെ ദൃശ്യങ്ങള്‍ സഹിതമാണ് സ്വകാര്യചാനൽ വാര്‍ത്ത പുറത്തുവിട്ടത് .കെ എല്‍ 46 ജി 240 എന്ന ബെന്‍സ് കാറില്‍ വന്ന മധ്യവയസ്‌കനാണ് പെണ്‍കുട്ടിയെ പീഡിപ്പിതെന്ന് തീയറ്റർ ഉടമകൾ നൽകിയ പരാതിയിൽ നിന്നും വ്യക്തമായിരുന്നു . പെണ്‍കുട്ടിയെ പീഡിപ്പിക്കുന്നതിന് ഒരു സ്ത്രീയും ഇയാളെ സഹായിച്ചതായി ദൃശ്യങ്ങളിൽ നിന്നും വ്യക്തമാണ് . ലഭിച്ച വിവരങ്ങളുടെ അടിസ്ഥാനത്തിൽ നടത്തിയ അന്വേഷണത്തിലാണ് ദൃശ്യങ്ങളിൽ കാണുന്ന വ്യക്തി മൊയ്തീൻകുട്ടി എന്ന ആളാണെന്ന് സ്ഥിരീകരിച്ചത് .

ഒരുമാസം മുൻപ് നൽകിയ പരാതിയിൽ പോലീസ് അന്വേഷണം ഊർജിതമായിരുന്നില്ലെന്ന് ആക്ഷേപമുയരുന്നുണ്ട് .സംഭവം വാർത്തയായതോടെയാണ് ചങ്ങരംകുളം പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചത് .കുട്ടിയുടെ അപ്പൂപ്പനാകാൻ പ്രായമുള്ള ഒരാളാണ് കുട്ടിയെ ലൈംഗികമായി കയ്യേറ്റം ചെയ്യുന്നത്. എന്നിട്ടും പൊലീസ് കേസ് എടുക്കാനുള്ള യാതൊരു നീക്കങ്ങളും നടത്തിയില്ല. എന്നാൽ ദൃശ്യങ്ങൾ പുറത്തെത്തിയതോടെ ഗത്യന്തരമില്ലാതെ ഇന്നാണ് പൊലീസ് കേസ് എടുത്തത്.

തിയറ്ററിലെത്തിയ കുട്ടിക്കൊപ്പം 40 വയസ് തോന്നിക്കുന്ന ഒരു സ്ത്രീയും ദൃശ്യങ്ങളിലുണ്ട്. ഇവർ കുട്ടിയുടെ അമ്മയാണെന്നാണ് സൂചന. കുട്ടിക്ക് 10 വയസ്സിലധികം പ്രായം തോന്നിപ്പിക്കുന്നില്ല. തനിക്ക് ചുറ്റും നടന്നത് എന്താണെന്ന് മനസ്സിലാകാതെ ഞെട്ടിത്തരിച്ച് ഇരിക്കുകയാണ് കുട്ടി എന്നും വീഡിയോ ദൃശ്യങ്ങളിൽ നിന്നും വ്യക്തമാണ്. സംഭവത്തിൽ ചൈൽഡ് ലൈൻ പ്രവർത്തകരും പൊലീസിന് പരാതി നൽകിയിട്ടുണ്ട് . രണ്ടര മണിക്കൂറിലേറെ നടന്ന പീഡനത്തിന്റെ ദൃശ്യങ്ങൾ മുഴുവനും തിയറ്ററിലെ സിസിടിവിയിൽ പതിഞ്ഞിട്ടുണ്ട്.