ഉപഭോക്താക്കള്‍ക്ക് ഇരുട്ടടിയായി തുടര്‍ച്ചയായ പതിമൂന്നാം ദിവസവും സംസ്ഥാനത്ത് ഇന്ധനവില വര്‍ധന. പെട്രോളിന് 14 പൈസ, ഡീസലിന് 16 പൈസ എന്നിങ്ങനെയാണ് ഇന്നത്തെ വര്‍ധന. ഇന്നത്തെ വിലവര്‍ധനയനുസരിച്ച് തിരുവനന്തപുരത്ത് പെട്രോളിന്റെ പുതുക്കിയ വില 82.14 ആണ്. ഡീസലിന്റേത് 74.76 രൂപയും.

കര്‍ണാടക നിയമസഭാ തെരഞ്ഞെടുപ്പു കഴിഞ്ഞശേഷം തുടര്‍ച്ചയായ 13ാം ദിവസമാണു വിലവര്‍ധന ഉണ്ടാകുന്നത്. അന്താരാഷ്ട്ര വിപണിയില്‍ ക്രൂഡ് ഓയില്‍ വില ഉയരുന്നതാണ് വിലവര്‍ധനയ്ക്ക് കാരണമെന്നാണ് എണ്ണക്കമ്പനികള്‍ നല്‍കുന്ന വിശദീകരണം. ഇന്ധനവില അസാധാരണ നിലയില്‍ വര്‍ധിച്ചിട്ടും കേന്ദ്ര, സംസ്ഥാന സര്‍ക്കാരുകള്‍ കൈകെട്ടി നോക്കി നില്‍ക്കുന്നത് വിമര്‍ശനങ്ങള്‍ക്ക് ഇടയാക്കിയിട്ടുണ്ട്.