കേരളത്തിലെ വിഷയങ്ങളില്‍ കേന്ദ്രത്തിന് ഉള്ള ശ്രദ്ധയും താല്‍പര്യവും കൂടി ആണ് തനിക്ക് ഈ പദവി ലഭച്ചതിലൂടെ തെളിയുന്നത് ; ഗവര്‍ണര്‍ പദവി ഒരു വെല്ലുവിളിയായി ഏറ്റെടുത്ത് കുമ്മനം രാജശേഖരന്‍
ഗവര്‍ണര്‍ പദവി ഒരു വെല്ലുവിളിയായി ഏറ്റെടുത്ത് കുമ്മനം രാജശേഖരന്‍. പഞ്ചായത്ത് മെമ്പര്‍ പോലും ആയിട്ടില്ലാത്ത താൻ ഗവര്‍ണര്‍ പദവി ഒരു വെല്ലുവിളിയായി ഏറ്റെടുക്കുകയാണെന്ന് കുമ്മനം. സമരം ചെയ്യാനും ഒരു ഗവര്‍ണര്‍ ആയി പ്രവര്‍ത്തിക്കാനും അറിയാം എന്ന് തെളിയിക്കേണ്ടത് ഇനി തന്റെ കടമയാണെന്നും അദ്ദേഹം വ്യക്തമാക്കി.
തന്നെ ഗവര്‍ണറായി നിയമിച്ചതില്‍ സന്തോഷവും അഭിമാനവുമുണ്ട്, പൊതുപ്രവര്‍ത്തന ജീവിതത്തില്‍ തന്നെ പിന്തുണച്ചവര്‍ക്ക് നന്ദി. താന്‍ ചെയ്ത സേവനങ്ങള്‍ കണ്ടറിഞ്ഞാകാം ഈ ഉത്തരവാദിത്വം ഏല്‍പ്പിച്ചത് എന്നും അദ്ദേഹം പറഞ്ഞു.
ഗവര്‍ണര്‍ പദവി ലഭിച്ചത് കൃത്യമായ സമയത്തല്ല എന്ന് അഭിപ്രായമില്ല ,കേരളത്തിലെ വിഷയങ്ങളില്‍ കേന്ദ്രത്തിന് ഉള്ള ശ്രദ്ധയും താല്‍പര്യവും കൂടി ആണ് തനിക്ക് ഈ പദവി ലഭിച്ചതിലൂടെ തെളിയുന്നത്. അതേസമയം തന്റെ പദവി കേരളത്തിലെ പാര്‍ട്ടിയുടെ പ്രവര്‍ത്തനത്തെ ഒരിക്കലും ബാധിക്കില്ല. ഗവര്‍ണര്‍ എന്ന പദവി സംബന്ധിച്ച് തനിക്ക് ഒരു സൂചനയും ഇല്ലായിരുന്നു എന്നും അദ്ദേഹം വ്യക്തമാക്കി.
മിസോറാം ഏറെ മുന്നേറേണ്ട സംസ്ഥാനം ആണ്. പൊതുപ്രവര്‍ത്തനം പഞ്ച വത്സര പദ്ധതി പോലെ ഉള്ള ഒന്നല്ല, എല്ലാം തുടര്‍ന്ന് കൊണ്ടിരിക്കുന്ന ജനസേവനം ആണ്. ഗവര്‍ണര്‍ പദവിയും അതുപോലെ തന്നെ. സജീവ രാഷ്ട്രീയം ഒഴിവാക്കേണ്ടി വരുന്നതില്‍ ദുഃഖം ഒന്നും ഇല്ല. രാഷ്ട്രീയം എന്നാല്‍ ജനസേവനം ആണ്, ഇതും ജന സേവനം ആണെന്ന് കുമ്മനം വ്യക്തമാക്കി.
https://www.facebook.com/Malayalivartha
