ഉമ്മന്ചാണ്ടിയുടെ കാലത്തെ പൊലീസ് അസോസിയേന് നേതാക്കള് പ്രശ്നങ്ങളുണ്ടാക്കുന്നു, നിയമവിരുദ്ധപ്രവര്ത്തനം നടത്തുന്നവരെ പിരിച്ചുവിടണം- കോടിയേരി
പൊലീസില് ചിലര് മനപ്പൂര്വം പ്രശ്നങ്ങള് ഉണ്ടാക്കാന് ശ്രമിക്കുകയാണെന്നും നിയമവിരുദ്ധ പ്രവര്ത്തനം നടത്തുന്ന പൊലീസുകാരെ സര്ക്കാര് പിരിച്ചു വിടണമെന്നും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് ആവശ്യപ്പെട്ടു. പൊലീസിലെ ക്രിമിനലുകളെ പിരിച്ചു വിടുന്നത് ഉള്പ്പെടെ കര്ശന നടപടികള് സര്ക്കാര് സ്വീകരിക്കുമെന്നും കോടിയേരി പറഞ്ഞു. പൊലീസില് ചെറിയൊരു വിഭാഗം ക്രമിനല് പശ്ചാത്തലമുള്ളരാണ്. നന്നാകാത്ത പൊലീസുകാരെ സര്ക്കാര് നന്നാക്കുമെന്നും അദ്ദേഹം പറഞ്ഞു. പൊലീസിലെ രാഷ്ട്രീയവത്കരണത്തെ കുറിച്ച് മാധ്യമപ്രവര്ത്തകര് കണ്ണൂരില് വെച്ച് ചോദിച്ചപ്പോഴായിരുന്നു കോടിയേരിയുടെ ഈ മറുപടി.
ചില ചാനലുകളടക്കം യു ഡി എഫ് ഘടക കക്ഷിയെ പോലെയാണ് പ്രവര്ത്തിക്കുന്നതെന്നും കോടിയേരി ആരോപിച്ചു. സര്ക്കാരിന്റെ പ്രതിച്ഛായയ്ക്ക് ഒരു മങ്ങലും ഏറ്റിട്ടില്ല. പ്രശ്നങ്ങള് ഉണ്ടാകുമ്പോള് പൊലീസ് ഇടപെടും. ആ പ്രശ്നങ്ങളില് സര്ക്കാര് സ്വീകരിക്കുന്ന സര്ക്കാര് നിലപാടാണ് വിലയിരുത്തേണ്ടത്. വേട്ടക്കാര്ക്കൊപ്പമല്ല സര്ക്കാര് നില്ക്കുന്നത്. കഴിഞ്ഞ യു ഡി എഫ് സര്ക്കാരിന്റെ കാലത്ത് പൊലീസ് അസോസിയേഷന് തലപ്പത്തുണ്ടായിരുന്ന ചിലരാണ് പ്രശ്നങ്ങള് സൃഷ്ടിക്കുന്നത്. ഇവരൊക്കെ നിരീക്ഷണത്തിലാണ്. പ്രശ്നങ്ങള് ഉണ്ടാക്കുന്നവര്ക്കെതിരെ നടപടി സ്വീകരിക്കും
ഉമ്മന്ചാണ്ടി സര്ക്കാരിന്റെ കാലത്ത് പൊലീസില് അരാജകത്വമായിരുന്നു. എല്.ഡി.എഫ് സര്ക്കാരത് ഇല്ലാതാക്കാനാണ് ശ്രമിക്കുന്നത്. പൊലീസ് ആക്റ്റ് അനുസരിച്ചാണ് പൊലീസ് പ്രവര്ത്തിക്കേണ്ടത്. അത് അനുസരിക്കാത്തവര്ക്കെതിരെ സര്ക്കാര് കര്ശന നടപടി സ്വീകരിക്കണമെന്നും കോടിയേരി ആവശ്യപ്പെട്ടു. ഇടപ്പാള് തിയേറ്റര് പീഡനക്കേസില് ചൈല്ഡ്ലൈനെ വിവരങ്ങള് അറിയിച്ച തിയേറ്റര് ഉടമയ്ക്കെതിരെ കേസെടുത്ത് പൊലീസ് അറസ്റ്റ് ചെയ്തതിനെയും കോടിയേരി ശക്തമായി വിമര്ശിച്ചിരുന്നു.
https://www.facebook.com/Malayalivartha
