സുനന്ദ പുഷ്കറുടെ ദുരൂഹമരണവുമായി ബന്ധപ്പെട്ട കേസില് ശശി തരൂര് മുന്കൂര് ജാമ്യാപേക്ഷ സി.ബി.ഐ കോടതിയില് സമര്പ്പിച്ചു
സുനന്ദ പുഷ്കറുടെ ദുരൂഹ മരണവുമായി ബന്ധപ്പെട്ട കേസില് മുന് കേന്ദ്രന്ത്രിയായ ശശി തരൂര് എം.പി ഡല്ഹി സി.ബി,ഐ കോടതിയില് മുന്കൂര് ജാമ്യാപേക്ഷ സമര്പ്പിച്ചു. ജാമ്യാപേക്ഷ പരിഗണിച്ച കോടതി ഡല്ഹി പൊലീസിനോട് വിശദീകരണം തേടി.
സുനന്ദയുടെ കേസില് നേരത്തെ തരൂരിനെതിരെ പാട്യാല ഹൗസ് കോടതിയില് പൊലീസ് കുറ്റപത്രം സമര്പ്പിച്ചിരുന്നു. ആത്മഹത്യാ പ്രേരണയ്ക്കും ഗാര്ഹിക പീഡനത്തിനും ജാമ്യമില്ലാ വകുപ്പുകള് ചുമത്തിയാണ് ശശി തരൂരിനെ പ്രതി ചേര്ത്തത്. 10 വര്ഷം വരെ തടവു ശിക്ഷ ലഭിക്കാവുന്ന ഇന്ത്യന് ശിക്ഷാ നിയമത്തിലെ 306 (പ്രേരണക്കുറ്റം), 498എ (ഗാര്ഹിക പീഡനം) വകുപ്പുകളാണ് ചുമത്തിയിട്ടുള്ളത്.
സുനന്ദയുടെ മരണം കൊലപാതകമല്ല, ആത്മഹത്യയാണെന്നും പാട്യാല കോടതിയിലെ മെട്രോപൊളിറ്റന് മജിസ്ട്രേട്ട്ധര്മ്മേന്ദര് സിംഗിന് സമര്പ്പിച്ച 3000 പേജുള്ള കുറ്റപത്രത്തില് വ്യക്തമാക്കിയിട്ടുണ്ട്. നാലു വര്ഷം മുമ്പ് ഡല്ഹിയിലെ പഞ്ചനക്ഷത്ര ഹോട്ടലിലാണ് സുനന്ദയെ മരിച്ച നിലയില് കണ്ടെത്തിയത്.
https://www.facebook.com/Malayalivartha
