രാജസ്​ഥാനിലെ ഉദയ്​പൂരിൽ ദമ്പതികളെ നഗ്​നരാക്കി പരേഡ്​​ ചെയ്യിക്കുകയും​ ദൃശ്യങ്ങൾ പകർത്തി സമൂഹ മാധ്യമങ്ങളിലൂടെ പ്രചരിപ്പിക്കുകയും ചെയ്ത സംഭവത്തിൽ രണ്ടു പേർ പോലീസ് പിടിയിലായി. സ്വദേശികളായ ഹരീഷ്​, ലാൽറാം എന്നിവരെയാണ് അറസ്റ്റു ചെയ്തത്.

ഉദയ്​പൂരിലെ സരേ ഖുർദ്​ ഗ്രാമത്തിൽ വെള്ളിയാഴ്​ചയായിരുന്നു സംഭവം. രാംലാൽ ഗമേട്ടി എന്നയാളെയും ഭാര്യയേയും അക്രമി സംഘം​ നഗ്​നരാക്കുകയും വടി ഉപയോഗിച്ച്​ തുടർച്ചയായി മർദിക്കുകയും പരേഡ്​ ചെയ്യിപ്പിക്കുകയുമായിരുന്നു. അതേസമയം 20 വയസുള്ള യുവതിയെ അക്രമികൾ ലൈംഗികാതിക്രമത്തിന്​ ഇരയാക്കുകയും ചെയ്​തു. ദമ്പതികളോടുള്ള പ്രദേശവാസികളുടെ വിരോധമാണ്​ സംഭവത്തിനു പിന്നിലെന്ന്​ പൊലീസ്​ പറഞ്ഞു.

ഭാര്യയുടെ മുൻ ഭർത്താവായ​ തരു എന്നയാളും മറ്റു ചിലരും വീട്ടിൽ അതിക്രമിച്ചു കയറി തങ്ങളെ അവഹേളിക്കുകയും വസ്​ത്രങ്ങൾ വലിച്ചു കീറി നഗ്​നരാക്കി നടത്തിക്കുകയും ചെയ്​തതായി പൊലീസിൽ നൽകിയ പരാതിയിൽ രാംലാൽ ഗമേട്ടി വിശദീകരിക്കുന്നു. തരു, ലാൽറാമിന്റെ ഭാര്യ എന്നിവരാണ് കേസിലെ മറ്റു​ പ്രതികൾ​.