കാശ്മീരില്‍ ഐഎസ് പതാകകള്‍, സൈന്യം ആശങ്കയില്‍
കാശ്മീരില്‍ അടുത്തിടെ കാണപ്പെട്ട ഐഎസ്‌ഐഎസ് പതാകകള്‍ ആശങ്കയുണര്‍ത്തുന്നതായി ഉന്നത സൈനിക ഉദ്യോഗസ്ഥന്‍. ഐഎസ്‌ഐഎസ് പതാകകള്‍ ആശങ്കയുളവാക്കുന്നതാണെന്ന് ലഫ്. ജനറല്‍ സുബ്രത സാഹ അറിയിച്ചു. തന്റെ സംസ്ഥാനത്ത് ഐഎസ്‌ഐഎസ് സാന്നിധ്യം ഇല്ലെന്ന് മുഖ്യമന്ത്രി ഒമര്‍ അബ്ദുല്ല പറഞ്ഞതിനു പിന്നാലെയാണ് സാഹയുടെ പ്രസ്താവന.
പതാകകള്‍ കണ്ടെങ്കിലും കശ്മീര്‍ താഴ്‌വരയില്‍ ഐഎസ്‌ഐഎസ് സ്വാധീനമില്ലെന്ന് ഒമര്‍ വ്യക്തമാക്കിയിരുന്നു. എന്നാല്‍ കഴിഞ്ഞയാഴ്ച ഈദ് പ്രാര്‍ഥനകള്‍ക്കു ശേഷം ഒരു പൊതുവേദിയിലാണ് കുറച്ചുപേര്‍ പതാക വീശിയിരുന്നതായി റിപ്പോര്‍ട്ടുണ്ട്. പാക്കിസ്ഥാനുമായുള്ള അതിര്‍ത്തി സംരക്ഷിക്കുകയും മേഖലയിലെ ഭീകരപ്രവര്‍ത്തനം പ്രതിരോധിക്കുകയും ചെയ്യുന്ന ചിനാര്‍ കോര്‍പ് കമാന്‍ഡിങ് ഓഫിസറാണ് ലഫ്. ജനറല്‍ സാഹ.
ഐഎസ്‌ഐഎസിന് കാശ്മീരിലെ യുവജനങ്ങള്‍ക്കുമേല്‍ സ്വാധീമുണ്ടോയെന്ന് ഇന്റലിജന്‍സ് വൃത്തങ്ങള്‍ പരിശോധിക്കുന്നുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
