സാമ്പത്തിക വിദഗ്ദ്ധന്‍ അരവിന്ദ് സുബ്രഹ്മണ്യത്തെ കേന്ദ്രധനകാര്യവകുപ്പിന്റെ മുഖ്യസാമ്പത്തിക ഉപദേഷ്ടാവ് ആയി വ്യാഴാഴ്ച നിയമിച്ചു. ഇന്റര്‍ നാഷണല്‍ മോണിട്ടറി ഫണ്ട്, പീറ്റേഴ്‌സണ്‍ ഇന്‍സ്റ്റിറ്റിയൂട്ട് ഫൊര്‍ ഇന്റര്‍നാഷണല്‍ ഇക്കണോമിക്‌സ്, സെന്റര്‍ ഫൊര്‍ ഗ്ലോബല്‍ ഡെലവപ്‌മെന്റ് എന്നിവിടങ്ങളിലെ സാമ്പത്തിക രംഗത്തു പ്രവര്‍ത്തിച്ചിട്ടുള്ളയാളാണ് സുബ്രഹ്മണ്യം. ഇന്ത്യയെപ്പോലുള്ള ഒരു സാമ്പത്തിക വ്യവസ്ഥയില്‍ സാമ്പത്തിക സുസ്ഥിരതയും, ധൃതഗതിയിലുള്ള നിക്ഷേപവും വളര്‍ച്ചയും സാധ്യമാക്കുക എന്നതിനാണ് പ്രാധാന്യം നല്‍കുന്നതെന്ന് അദ്ദേഹം വ്യാഴാഴ്ച മാധ്യമ പ്രവര്‍ത്തകരോട് സംസാരിക്കവെ വ്യക്തമാക്കി. സാമ്പത്തിക വളര്‍ച്ചാ നിരക്ക് ഉയര്‍ത്തുവാന്‍ ശ്രമിച്ചുകൊണ്ടിരിക്കുന്ന ഇന്ത്യാ ഗവണ്‍മെന്റിന്റെ നയരൂപീകരണ വേളയില്‍ ആവശ്യമായ നിര്‍ദ്ദേശങ്ങള്‍ നല്‍കേണ്ടത് ഇനി ഇദ്ദേഹത്തിന്റെ ചുമതലയാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha