ചലച്ചിത്ര ഛായാഗ്രാഹകന്‍ അശോക് കുമാര്‍ അഗര്‍വാള്‍ അന്തരിച്ചു
പ്രശസ്ത ചലച്ചിത്ര ഛായാഗ്രാഹകന്‍ അശോക് കുമാര്‍ അഗര്‍വാള്‍ അന്തരിച്ചു. ഇന്ന് പുലര്‍ച്ചെ ചെന്നൈയിലായിരുന്നു അന്ത്യം. ആരോഗ്യപ്രശ്‌നങ്ങളെ തുടര്‍ന്ന് കഴിഞ്ഞ ആറുമാസക്കാലമായി ചെന്നൈയിലെയും ഹൈദരാബാദിലെയും വിവിധ ആശുപത്രികളില്‍ ചികിത്സയിലായിരുന്നു.
മലയാളം ഉള്‍പ്പെടെ വിവിധ ഭാഷകളിലായി നൂറോളം ചിത്രങ്ങളുടെ ഛായാഗ്രാഹകനായി പ്രവര്‍ത്തിച്ചിട്ടുണ്ട്. 1980 ല്‍ മികച്ച ഛായാഗ്രാഹകനുള്ള ദേശീയ അവാര്‍ഡും അദ്ദേഹത്തെ തേടി എത്തിയിരുന്നു.
നെഞ്ചത്തൈ കിള്ളാതെ , അന്‍ട്ര് പെയ്ത മഴയില്‍ (തമിഴ്) എന്നീ ചിത്രങ്ങളിലൂടെ തമിഴ്‌നാട് സര്‍ക്കാരിന്റെ മികച്ച ഛായാഗ്രാഹകനുള്ള അവാര്‍ഡും അദ്ദേഹത്തിന് ലഭിച്ചു. മഞ്ഞില്‍ വിരിഞ്ഞ പൂക്കള്‍, തകര, ലോറി, നവംബറിന്റെ നഷ്ടം, വസന്തകാല പറവകള്‍, ലോറി തുടങ്ങി നിരവധി മലയാള ചിത്രങ്ങളുടെ ഛായാഗ്രാഹകനായിരുന്നു. പി.എന്‍ മേനോന്‍, ഭരതന്‍, പദ്മരാജന്‍ എന്നിവര്‍ക്കൊപ്പവും മലയാളത്തില്‍ പ്രവര്‍ത്തിച്ചിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
