പൂണെയിലെ ഓംകരേശ്വര്‍ ക്ഷേത്രത്തിന് സമീപത്ത് വെച്ചാണ് നരേന്ദ്ര ധാബോല്‍ക്കര്‍ വെടിയേറ്റ് മരിച്ചത്. ബൈക്കിലെത്തിയ സംഘമാണ് ഇദ്ദേഹത്തിന് നേരെ വെടിയുതിര്‍ത്തത്. 2017 സെപ്റ്റംബര്‍ അഞ്ചിന് ബംഗളൂരുവില്‍ വെച്ചാണ് ഗൗരി ലങ്കേഷ് കൊല്ലപ്പെടുന്നത്.

നാല് വെടിയുണ്ടകളാണ് ഗൗരി ലങ്കേഷിന്റെ ശരീരത്തില്‍ നിന്നും കണ്ടെത്തിയിരുന്നത്. മാധ്യമപ്രവര്‍ത്തക ഗൗരി ലങ്കേഷിന്റെയും യുക്തിവാദി നേതാവ് നരേന്ദ്ര ധാബോല്‍കറിന്റെയും കൊലപാതകങ്ങള്‍ക്ക് ഉപയോഗിച്ചത് ഒരേ തോക്കാണെന്ന് സിബിഐ. ഇരുവരുടെയും കൊലപാതകങ്ങള്‍ തമ്മിലുള്ള നിര്‍ണായക ബന്ധത്തെ വെളിപ്പെടുത്തുന്നെന്ന് സിബിഐ പൂന്നൈ കോടതിയെ അറിയിച്ചു.

നരേന്ദ്ര ധാബോല്‍കറിനെ കൊലപ്പെടുത്തിയ കേസിലെ പ്രധാന പ്രതിയായ സച്ചിന്‍ ആന്‍ഡൂറിന്റെ കസ്റ്റഡി കാലാവധി നീട്ടി വാങ്ങുന്നതിനായി പൂന്നൈയിലെ ശിവാജിനഗര്‍ മജിസ്‌ട്രേറ്റ് കോടതിയില്‍ നടന്ന വാദത്തിനിടെയാണ് സിബിഐ ഇക്കാര്യം വ്യക്തമാക്കിയത്. 30 വ​രെ കോ​ട​തി സ​ച്ചി​ന്‍ ആന്‍ഡൂ​രെ​യു​ടെ റി​മാ​ന്‍​ഡ്​ നീ​ട്ടി. പിടിച്ചെടുത്ത തോക്കിന്റെ ഫോറന്‍സിക് പരിശോധനാ ഫലം പുറത്തുവന്നതോടെയാണ് നരേന്ദ്ര ധബോല്‍ക്കര്‍ വധവും ഗൗരി ലങ്കേഷ് വധവും തമ്മില്‍ നിര്‍ണായക ബന്ധമുണ്ടെന്ന് വ്യക്തമായത്. ഗൗ​രി ല​ങ്കേ​ഷ് വ​ധ​ത്തി​നു​ശേ​ഷം അ​മൊ​ല്‍ കാ​ലെ 7.65 എം.​എം തോ​ക്ക് ത​ന്നെ ഏ​ല്‍പി​ക്കു​ക​യാ​യി​രു​ന്നു​വെ​ന്ന് സ​ച്ചി​ന്‍ അ​ന്ദു​രെ വെ​ളി​പ്പെ​ടു​ത്തി​യ​താ​യി സി.​ബി.​ഐ കോ​ട​തി​യി​ല്‍ പ​റ​ഞ്ഞു.

അ​റ​സ്​​റ്റ്​ ഭ​യ​ന്ന്​ തോ​ക്ക് ഒൗ​റം​ഗാ​ബാ​ദി​ലെ ഭാ​ര്യ​ബ​ന്ധു​ക്ക​ളാ​യ ശു​ഭം സു​രാ​ലെ, അ​ചിം​ക്യ സു​രാ​ലെ എ​ന്നി​വ​രെ ഏ​ല്‍​പി​ക്കു​ക​യാ​യി​രു​ന്നു. അ​വ​ര്‍ പി​ന്നീ​ട് സു​ഹൃ​ത്താ​യ രോ​ഹി​ത് രെ​ഗെ​ക്ക് കൈ​മാ​റി എ​ന്നും സ​ച്ചി​ന്‍ വെ​ളി​പ്പെ​ടു​ത്തി. രോ​ഹി​തി​ന്റെ വീ​ട്ടി​ല്‍നി​ന്നാ​ണ് തോ​ക്ക് ക​ണ്ടെ​ടു​ത്ത​ത്.