ആശുപത്രിയിൽ നിന്ന് വിട്ടതിനു ശേഷമാണ് പരാതി. മാറ് പൊള്ളിയിരിക്കുന്നതിനാൽ കുഞ്ഞിന് മുല കൊടുക്കാൻ കഴിയുന്നില്ലെന്ന് പരാതിയിൽ പറയുന്നു. ഗാസിയാബാദിലാണ് സംഭവം. പ്രസവിച്ച യുവതിയുടെ മാറിൽ ഹോട്ട് വാട്ടർ ബാഗ് വച്ച് പൊള്ളിച്ച സ്വകാര്യ ആശുപത്രിയ്‌ക്കെതിരെ ഭർത്താവ് പൊലീസിൽ പരാതി നൽകി. ഓഗസ്റ്റ് 15 നാണ് യുവതിയെ പ്രസവത്തിനായി ആശുപത്രിയിൽ പ്രവേശിപ്പിച്ചതെന്നും 17 നു ആണ്കുട്ടിയ്ക്കു ജന്മം നൽകിയെന്നും ഗാസിയാബാദ് എസ് പി പറഞ്ഞു.

പ്രസവ ശേഷം യുവതിയ്ക്ക് ചൂട് നൽകാനായി മാറത്തു ഹോട്ട് വാട്ടർ ബാഗ് വച്ചു. അനസ്തേഷ്യ നല്കിയിരുന്നതിനാൽ അവർ ചൂട് അറിഞ്ഞില്ല. രണ്ടു മണിക്കൂറിനു ശേഷമാണ് ചൂട് അനുഭവപ്പെട്ടത്‌. അപ്പോഴേക്കും മാറ് പൊള്ളിപ്പോയിരുന്നു. ആശുപത്രിയ്ക്കും മെഡിക്കൽ ഓഫീസർക്കുമെതിരെ പൊലീസ് അന്വേഷണം ആരംഭിച്ചു.