ഹരിയാന ഗുരുഗ്രമിലെ ശിവസേനയുൾപ്പെടെയുള്ള 22 ഓളം ഹൈന്ദവ സംഘടനകൾ നവരാത്രി ദിവസങ്ങളിൽ മാംസ വിൽപ്പന അനുവദിക്കില്ലെന്ന ഭീഷണിയുമായി രംഗത്ത്.ആഘോഷ ദിവസങ്ങളില്‍ മാംസ കച്ചവടം നടത്തുന്ന കടകള്‍ പൂട്ടിക്കുമെന്ന് സന്‍യുക്ത് ഹിന്ദു സംഘര്‍ഷ് സമിതി പറഞ്ഞു. ഒക്ടോബര്‍ 10 മുതല്‍ 18 വരെയാണ് നവരാത്രി ആഘോഷങ്ങള്‍. ”നവരാത്രി ദിനത്തില്‍ ഏതെങ്കിലും മാംസകടകള്‍ തുറക്കുന്നത് ശ്രദ്ധയില്‍പ്പെട്ടാല്‍ ഞങ്ങള്‍ അത് പൂട്ടിക്കും.അതിന്റെ പേരില്‍ എന്ത് സംഭവിച്ചാലും അക്കാര്യം ഞങ്ങള്‍ നോക്കിക്കോളും.” ശിവസേന ജില്ലാ പ്രസിഡന്റ് ഗൗതം സേനി പറയുന്നു.

തങ്ങള്‍ 125 അംഗങ്ങളെ നിയമിച്ചിട്ടുണ്ട്. ഇവര്‍ നഗരത്തിലെ ഓരോ മാംസ കടയിലും എത്തി കടകള്‍ അടക്കാന്‍ ആവശ്യപ്പെടുo എന്ന് പറഞ്ഞുകൊണ്ട് ശിവസേന ജില്ലാ ഭരണകൂടത്തിന് കത്ത് നല്‍കിയിട്ടുണ്ട്. എന്നാൽ ഈ ദിവസങ്ങളിൽ കടകള്‍ അടച്ചിട്ടാല്‍ ലക്ഷ കണക്കിന് നഷ്ടം കച്ചവട കാർക്ക് ഉണ്ടാകും അതുകൊണ്ടു തന്നെ, ഭീഷണിയെ തുടര്‍ന്ന് തങ്ങൾക്കു സംരക്ഷണo ആവശ്യപ്പെട്ടുകൊണ്ട് പൊലീസിനെ സമീപിച്ചിരിക്കുകയാണ് വ്യാപരികൾ ഇപ്പോൾ.

എന്നാല്‍ കടകള്‍ നിര്‍ബന്ധപൂര്‍വം അടപ്പിക്കുന്ന നടപടി ആരെങ്കിലും ചെയ്യുന്നത് ശ്രദ്ധയില്‍പ്പെട്ടാല്‍ കര്‍ശന നടപടി സ്വീകരിക്കമെന്ന് ഡെപ്യൂട്ടി കമ്മീഷണര്‍ സുമിത് കുമാര്‍ പറഞ്ഞു. കഴിഞ്ഞ വര്‍ഷവും ഇത്തരം സംഭവങ്ങള്‍ റിപ്പോര്‍ട്ട് ചെയ്തിരുന്നു. 500 ഓളം കടകളായിരുന്നു ശിവസേനയുടെ നേതൃത്വത്തില്‍ ഡല്‍ഹിയില്‍ പൂട്ടിച്ചത്.