രാജ്യത്ത് ഇനി ഏകീകൃത ഡ്രൈവിങ് ലൈസന്സ് നടപ്പാക്കാനൊരുങ്ങി കേന്ദ്രം, വ്യാജ ലൈസന്സിന് പിടിവീഴും
രാജ്യത്ത് ഏകീകൃത ഡ്രൈവിങ് ലൈസന്സ് നടപ്പാക്കാനൊരുങ്ങി കേന്ദ്രം. അടുത്ത വര്ഷം ജൂലൈയ്ക്കകം രാജ്യം മുഴുവന് ഏകീകൃത ലൈസന്സ് സംവിധാനം നടപ്പാക്കാനാണ് കേന്ദ്രസര്ക്കാര് തയ്യാറെടുക്കുന്നത്. നിലവില് 25% പേര് വ്യാജ െ്രെഡവിങ് ലൈസന്സ് ഉപയോഗിച്ചാണു വാഹനമോടിക്കുന്നതെന്നതു കണ്ടെത്തിയിരുന്നു. മറ്റു സംസ്ഥാനങ്ങളിലെ ഡ്രൈവിങ് ലൈസന്സിന്റെ ആധികാരികത പരിശോധിക്കാന് പോലീസിനു സംവിധാനമില്ലാത്തതാണ് ഇതിനു കാരണമെന്നും കേന്ദ്രസര്ക്കാര് വ്യക്തമാക്കിയിരുന്നു. ഇതാണ് ഒറ്റ ലൈസന്സ് സംവിധാനം നടപ്പാക്കാന് കേന്ദ്രത്തെ പ്രേരിപ്പിച്ചത്.
ഏകീകൃത ഡ്രൈവിങ് ലൈസന്സ് സംവിധാനം വരുന്നതോടെ ഏതു സംസ്ഥാനത്തെയും പോലീസ് സംവിധാനത്തിനു ലൈസന്സ് ഉടമയെക്കുറിച്ചുള്ള വിവരങ്ങള് ഉടന് ലഭ്യമാകും. സ്മാര്ട്ട് കാര്ഡ് രൂപത്തിലുള്ള ലൈസന്സില് മൈക്രോ ചിപ്പ് അടക്കം ചെയ്യും. ക്യുആര് കോഡും രേഖപ്പെടുത്തും. ഏതു സംസ്ഥാനക്കാരനാണെന്നും ലൈസന്സ് നല്കിയ ആര്.ടി.ഒയുടെ വിവരവും രേഖപ്പെടുത്തും. രാജ്യമെങ്ങും ലൈസന്സിന്റെ നിറവും രൂപവും സുരക്ഷാ സവിശേഷതകളും ഒന്നുതന്നെയായിരിക്കും.
രക്തഗ്രൂപ്പും അവയവദാനത്തിനു താല്പ്പര്യം അറിയിച്ചിട്ടുണ്ടെങ്കില് അതു സംബന്ധിച്ച വിശദാംശങ്ങളും അതിലുണ്ടാകും.
"
https://www.facebook.com/Malayalivartha