ട്രെയിന്‍ യാത്രക്കിടെയുണ്ടാകുന്ന പ്രശ്‌നങ്ങളില്‍ ഉടനടി പരിഹാരം
ട്രെയിന്‍ യാത്രക്കിടെയുണ്ടാകുന്ന പ്രശ്‌നങ്ങളില്‍ ഉടനടി പരാതി നല്‍കാന്‍ റെയില്‍വേ സംവിധാനം ഒരുക്കുന്നു. ഇതിനായി റെയില്‍വേ പ്രത്യേക ആപ്പ് തയ്യാറായി. ഇതിലൂടെ പരാതികളില്‍ നല്‍കാം. വിഷയത്തില്‍ റെയില്‍വേ സുരക്ഷ സേന ഉടന്‍ നടപടിയെടുക്കും.
സ്ത്രീകള്‍ക്ക് നേരെയുണ്ടാകുന്ന അതിക്രമം, മോഷണം തുടങ്ങി ഏത് പരാതിയും ആപ്പ് വഴി നല്‍കാം. ഇത്തരം പരാതികളില്‍ ഏത് പൊലീസ് സ്‌റ്റേഷനിലും പരിഗണിക്കാവുന്ന സീറോ എഫ്‌ഐആര്‍ ആയി പരിഗണിച്ച് ഉടന്‍ നടപടിയുണ്ടാകും.
ഇപ്പോഴാകട്ടെ എന്തെങ്കിലും പരാതിയുണ്ടെങ്കില്‍ യാത്രക്കാര്‍ അടുത്ത റെയില്‍വേ സ്‌റ്റേഷന്‍ വരെ കാത്തിരിക്കണം. സ്ത്രീ യാത്രക്കാര്‍ക്ക് അടിയന്തര ഘട്ടത്തില്‍ സഹായം തേടാനുള്ള പാനിക് ബട്ടണും ആപ്പില്‍ സജ്ജീകരിക്കും.
മൊബൈല്‍ ആപ്പിലൂടെ നല്‍കുന്ന പരാതികള്‍ സീറോ എഫ്.ഐ.ആറുകളായി പരിഗണിക്കും. ഉടന്‍ അന്വേഷണം ആരംഭിക്കും. (ഏതു പോലീസ് സ്‌റ്റേഷനിലും രജിസ്റ്റര്‍ ചെയ്യാവുന്ന പ്രാഥമിക റിപ്പോര്‍ട്ടാണ് സീറോ എഫ്.ഐ.ആര്‍) ഇത് പിന്നീട് അതിക്രമം നടന്ന സ്ഥലത്തെ പോലീസിന് കൈമാറും). കൂടാതെ റെയില്‍വേ സംരക്ഷണ സേനയിലെ ഉദ്യോഗസ്ഥന്‍ ഉടന്‍ അന്വേഷിച്ച് ആവശ്യമായ നടപടികള്‍ സ്വീകരിക്കും.
സ്ത്രീകള്‍ക്കായി അപായ സൈറണും ആപ്പിലുണ്ട്. ഓഫ്‌ലൈനായും ഈ ആപ്പില്‍ പരാതി നല്‍കാം.
വേഗത്തില്‍ നടപടികള്‍ നീങ്ങുന്നതിനാല്‍ അക്രമികള്‍ പിടിയിലാവാന്‍ സാധ്യത. കുടുങ്ങുമെന്ന് അറിയാവുന്നതിനാല്‍ അതിക്രമങ്ങള്‍ക്ക് ക്രിമിനലുകള്‍ മടിക്കും. വനിതായാത്രക്കാരുടെ ആത്മവിശ്വാസം വര്‍ദ്ധിക്കുകയും ചെയ്യും.
നിലവില്‍ മധ്യപ്രദേശില്‍ ഈ സംവിധാനം പരീക്ഷണാടിസ്ഥാനത്തില്‍ നടപ്പാക്കുന്നുണ്ട്. ഇതാണ് ഈ സംവിധാനം രാജ്യവ്യാപകമാക്കാനൊരുങ്ങുന്നത്.
https://www.facebook.com/Malayalivartha
