ജലന്ധറില് മരിച്ച നിലയില് കണ്ടെത്തിയ മലയാളി വൈദികന് ഫാ.കുര്യാക്കോസ് കാട്ടുതറയുടെ പോസ്റ്റ്മോര്ട്ടം നടപടിയില് സംതൃപ്തി അറിയിച്ച് ബന്ധുക്കള്
ഫാദര് കുര്യാക്കോസ് കാട്ടുതറയുടെ പോസ്റ്റ്മോര്ട്ടം നടപടിയില് സംതൃപ്തി അറിയിച്ച് ബന്ധുക്കള്. തങ്ങള് ആവശ്യപ്പെട്ട എല്ലാ കാര്യങ്ങളും പൊലീസും ഡോക്ടര്മാരും പോസ്റ്റ്മോര്ട്ടം നടത്തുന്നതിന് അംഗീകരിച്ചു എന്നും അതുകൊണ്ട് തന്നെ വീണ്ടും ഒരു പോസ്റ്റ് മോര്ട്ടം നടത്താന് ഉദ്ദേശിക്കുന്നില്ലെന്നും ഫാദര് കുര്യാക്കോസ് കാട്ടുതറയുടെ സഹോദരന് വ്യക്തമാക്കി .
പോസ്റ്റ് മോര്ട്ടത്തില് ഫാ.കുര്യാക്കോസിന്റെ മൃതശരീരത്തില് ആന്തരികമായോ ബാഹ്യമായോ പരിക്കുകള് പറ്റിയിട്ടില്ലെന്നും പോസ്റ്റ് മോര്ട്ടം നടത്തിയ ഡോക്ടര് അറിയിച്ചു .ഫാദര് കുര്യാക്കോസിന്റെ മരണത്തില് അസ്വഭാവികതയുള്ളതിനാല് മൃതദേഹം ആലപ്പുഴയില് പോസ്റ്റ് മോര്ട്ടം നടത്തിയാല് മതിയെന്നും ബന്ധുക്കള് അറിയിച്ചിരുന്നു .എന്നാല് ഫാദര് കുര്യാക്കോസിന്റെ മരണം സാധാരണ മരണം ആണ് എന്നാണ് പ്രാഥമിക നിഗമനമെന്ന് ഹോഷ്യാപൂര് പൊലീസ് സൂപ്രണ്ട് മാധ്യമങ്ങളെ അറിയിക്കുകയും ചെയ്തു.
https://www.facebook.com/Malayalivartha
