അമേരിക്കയിലെ പ്രശസ്​ത​​ ‘ബ്രേക്​ ത്രൂ ജൂനിയർ ചാലഞ്ച്​’ വിദ്യാഭ്യാസ പുരസ്​കാരം 16 വയസ്സുകാരനായ ഇന്ത്യൻ വിദ്യാർഥിക്ക് . ബംഗളൂരു സ്വദേശിയായ സമയ്​ ഗൊഡികക്കാണ്​ 2.92 കോടി രൂപയുടെ (400,000 ഡോളർ) പുരസ്​കാരം ലഭിച്ചത്​. ബംഗളൂരുവിലെ നാഷണൽ പബ്ലിക്​ സ്​കൂൾ കോറമംഗളയിലെ വിദ്യാർഥിയാണ്​ സമയ്​. അന്താരാഷ്​ട്ര സയൻസ്​ വീഡിയോ മത്സരത്തിലൂടെയാണ്​ ബെംഗളൂരു വിദ്യാർഥിയുടെ ഈ അപൂർവ നേട്ടം.

ജീവ ശാസ്​ത്ര​ വിഭാഗത്തിൽ ജൈവ ഘടികാരത്തെ കുറിച്ച്​ സമയ്​ തയാറാക്കിയ വീഡിയോക്കാണ് ഭീമൻ തുകയുടെ​​ പുരസ്​കാരം ലഭിച്ചത്​. ഫിസിക്​സ്​, ഗണിതം, ജീവ ശാസ്​ത്രം എന്നീ വിഷയങ്ങളിലുള്ള അടിസ്ഥാന തത്വങ്ങളെ കുറിച്ച കുട്ടികളുടെ ക്രിയാത്മക ചിന്തകളെ ആസ്​പദമാക്കിയുള്ള വീഡിയോകൾക്ക്​ നൽകുന്ന പുരസ്​കാരമാണ്​ ബ്രേക്​ത്രൂ ജൂനിയർ ചലഞ്ച് പുരസ്​കാരം​.

പുരസ്​കാര തുകയിൽ 1.83 കോടി രൂപ സമയ്​ ഗൊഡികക്ക്​ ലഭിക്കും. ബാക്കി വരുന്ന തുക സമയ്​യെ പഠിപ്പിച്ച ശാസ്​ത്ര അധ്യാപകർക്കും സ്​കൂളിനും വീതിച്ച്​ നൽകും. സയൻസിൽ ഏറെ താൽപര്യം കാണിച്ച സമയിയെ അധ്യാപകനായ എം.എസ്​ മേനോനാണ്​ സ്​കൂൾ സമയത്തിന്​ ശേഷം ജീവ ശാസ്​ത്രത്തെ കുറിച്ച്​ പഠിക്കാൻ സഹായിച്ചത്.

ഇത്രയും വലിയ പുരസ്​കാരം ലഭിച്ചതിൽ വ​ളരെ ആശ്ചര്യവാനാണെന്നും ഇത്​ ത​​െൻറ ജീവിതം മാറ്റിമറിക്കുന്നതാണെന്നും പുരസ്​കാര പ്രഖ്യാപനത്തിന്​ ശേഷം സമയ്​ പ്രതികരിച്ചു. ലോകത്തിലെ തന്നെ വലിയ ശാസ്​ത്രജ്ഞൻമാരുടെ കൂടെ തന്നെ കൂടി തിരിച്ചറിയുന്നതിൽ വളരെ കൃതാർഥനാണെന്നും സമയ് മാധ്യമങ്ങളോട്​ പ്രതികരിച്ചു

വിറവാതം അടക്കം ചില ന്യൂറോളജിക്കൽ രോഗമുള്ള കുടുംബാംഗങ്ങളുള്ള സമയ്​ ഗൊഡികക്ക്​ ജൈവ ഘടികാരത്തെ കുറിച്ചും അതിനുള്ള ചികിത്സയെ കുറിച്ചും പഠിക്കാനുള്ള താൽപര്യം ജനിക്കുകയായിരുന്നു.