പോലീസുകാരന് നോക്കിനില്ക്കേ പാല് വില്പ്പനക്കാരന് തന്റെ ബൈക്കിന് തീയിട്ടു
വാഹനത്തിന്റെ രേഖകള് ചോദിച്ച പൊലീസുകാരന്റെ മുമ്പില് വച്ച് , ഹരിയാനയിലെ ഗുരുഗ്രാമില് പാല് വില്പ്പനക്കാരന് തന്റെ റോയല് എന്ഫീല്ഡ് ബുളറ്റ് അഗ്നിക്കിരയാക്കി. ചൊവ്വാഴ്ചയാണ് നാടിനെ നടുക്കിയ സംഭവം അരങ്ങേറിയത്.
വഴിയാത്രക്കാരും കടക്കാരും നോക്കിനില്ക്കേ നടന്ന സംഭവം വന് പരിഭ്രാന്തി പരത്തി. വഴിയാത്രക്കാര് ദൃശ്യങ്ങള് പകര്ത്തി സമൂഹമാധ്യമങ്ങളില് ഇട്ടതോടെ സംഭവം കാട്ടുതീ പോലെ പടരുകയും ചെയ്തു.
ടീ ഷര്ട്ട് ധരിച്ചിരുന്ന പാല്ക്കാരന് മുപ്പതു വയസോളം പ്രായം തോന്നും. ഒരു കറുത്ത ഷാള് കഴുത്തില് ചുറ്റിയിരുന്നു. റോയല് എന്ഫീല്ഡിന്റെ പുറകില് രണ്ട് വലിയ പാത്രം നിറയെ പാല് കെട്ടിവച്ചിരുന്നു. ഇയാളുടെ വണ്ടിയുടെ നമ്പര് പ്ലേറ്റിനു പകരമായി ഓം നമ ശിവായ എന്നാണ് എഴുതിയിരുന്നത്. ഇയാള് ഹെല്മെറ്റും ധരിച്ചിരുന്നില്ലെന്നും പോലീസ് പറയുന്നു.
പിഴ അടപ്പിക്കാനായി ഇയാളെ തടഞ്ഞ പൊലീസുകാരോട് ഇയാള് തട്ടിക്കയറുകയായിരുന്നു. വണ്ടിയുടെ രേഖകള് കാണിക്കാന് ആവശ്യപ്പെട്ടപ്പോഴാണ് പ്രതി രോഷാകുലനായത്. തുടര്ന്ന് ഇന്ധന പൈപ്പ് ഊരിയ പ്രതി ബൈക്കിന് തീയിടുകയായിരുന്നു. ജനങ്ങള് പരിഭ്രാന്തിയിലായ സമയം ഇയാള് സ്ഥലത്ത് നിന്നും ഓടി രക്ഷപ്പെട്ടു.
ഉടന് തന്നെ അഗ്നിശമന സേന സ്ഥലത്തെത്തി തീ അണച്ചു. സംഭവത്തില് ഗുരുഗ്രാം പൊലീസ് കേസെടുത്ത് അന്വേഷണം ആരംഭിച്ചു. പ്രതിയെ ഇതുവരെയും തിരിച്ചറിഞ്ഞിട്ടില്ല. ഇത് മോഷ്ടിച്ച വണ്ടിയാണോ എന്നും പൊലീസ് പരിശോധിക്കുന്നുണ്ട്.
https://www.facebook.com/Malayalivartha
