അര്ബുദബാധയെ തുടര്ന്ന് ചികിത്സയിലായിരുന്ന കേന്ദ്ര മന്ത്രി അനന്ത് കുമാർ അന്തരിച്ചു
കേന്ദ്ര പാര്ലമെന്ററി കാര്യമന്ത്രി അനന്ത് കുമാർ അന്തരിച്ചു. അര്ബുദബാധയെ തുടര്ന്ന് സ്വകാര്യ ആശുപത്രിയില് ചികിത്സയിലായിരുന്നു. പുലര്ച്ചെ 2.30 ന് ബംഗളുരുവിലായിരുന്നു അന്ത്യം.
ലണ്ടന്, ന്യൂയോര്ക്ക് എന്നിവിടങ്ങളിലെ ചികിത്സയെ തുടര്ന്ന് കഴിഞ്ഞ മാസം 20നാണ് അനന്ത് കുമാര് ബാംഗ്ലൂരില് തിരിച്ചെത്തിയത്. കഴിഞ്ഞ പാര്ലമെന്റ് സമ്മേളനം വരെ ഏറെ സജീവമായിരുന്ന അനന്തകുമാര് തെക്കേ ഇന്ത്യയില് ബിജെപിക്ക് കാലുറപ്പിക്കാനുള്ള അവസരം നല്കിയ നേതാക്കളിലൊരാളായിരുന്നു. പല പ്രധാനപ്പെട്ട ബില്ലുകളും കഴിഞ്ഞ പാര്ലമെന്റ് സമ്മേളനത്തില് പാസാക്കുമ്പോള് അ്തില് പ്രധാന പങ്കുവഹിച്ച നേതാവുകൂടിയായിരുന്നു അന്തരിച്ച അനന്തകുമാര്
ദക്ഷിണേന്ത്യയിലെ ബിജെപിയുടെ പ്രമുഖ നേതാവിനെയാണ് പാര്ട്ടിക്ക് നഷ്ടമായിരിക്കുന്നത്. സമവായത്തിന്റെ പാതയില് നീങ്ങുന്ന പ്രകൃതക്കാരനായ അദ്ദേഹം ബില്ലുകള് രാഷ്ട്രീയ സമവായത്തിലൂടെ പാസാക്കി എടുക്കുന്നതില് നിര്ണായക പങ്കുവഹിച്ചിരുന്നു.
https://www.facebook.com/Malayalivartha
