സ്വന്തം രാജ്യം നോക്കി നടത്താന് പാക് സര്ക്കാരിന് കഴിയുന്നില്ല; പാക്കിസ്ഥാന് മുന് ക്രിക്കറ്റ് താരം ഷാഹിദ് അഫ്രിദിയുടെ വാക്കുകളെ ശരിവെച്ച് ആഭ്യന്തരമന്ത്രി രാജ്നാഥ് സിംഗ്
കാഷ്മീര് പ്രശ്നത്തില് പാക് സര്ക്കാരിന് ഉപദേശവുമായി രംഗത്തെത്തിയ മുന് ക്രിക്കറ്റ് താരം ഷാഹിദ് അഫ്രിദിയുടെ വാക്കുകളെ ശരിവെച്ച് ആഭ്യന്തരമന്ത്രി രാജ്നാഥ് സിംഗ്. കാഷ്മീരിന് വേണ്ടി പാക്കിസ്ഥാന് അവകാശവാദം ഉന്നയിക്കരുത്. കൈവശമുള്ള നാല് പ്രവിശ്യകള് തന്നെ കൈകാര്യം ചെയ്യാന് പാക് സര്ക്കാരിന് സാധിക്കുന്നില്ലെന്നും അഫ്രീദി അഭിപ്രായപ്പെട്ടിരുന്നു.
അഫ്രീദിയുടെ വാക്കുകള് ശരിയാണ്. സ്വന്തം രാജ്യം നോക്കി നടത്താന് പാക് സര്ക്കാരിന് കഴിയുന്നില്ല. പിന്നെങ്ങനെ കാഷ്മീരിനെ കൈകാര്യം ചെയ്യുമെന്നും രാജ്നാഥ് സിംഗ് ചോദിച്ചു. കാഷ്മീര് ഇന്ത്യയുടെ ഭാഗമാണ്. അതുപോലെ നിലനില്ക്കട്ടെയെന്നും അദ്ദേഹം കൂട്ടിച്ചേര്ത്തു.
കഴിഞ്ഞദിവസം ലണ്ടനിലെ ബ്രിട്ടീഷ് പാര്ലമെന്റില് വിദ്യാര്ഥികളോട് സംസാരിക്കവേയായിരുന്നു അഫ്രിദിയുടെ പ്രസ്താവന. പാക്കിസ്ഥാന് കാഷ്മീരിന്റെ ആവശ്യമില്ല. ഇന്ത്യക്കും വിട്ടു കൊടുക്കരുത്. കാഷ്മീരിലെ ഒരു സ്വതന്ത്ര രാജ്യമാകാന് അനുവദിക്കണം. മനുഷ്യത്വം നിലനില്ക്കട്ടെയെന്നും താരം പറഞ്ഞിരുന്നു.
കഴിഞ്ഞ ഏപ്രിലില് കാഷ്മീര് വിഷയത്തില് അഫ്രീദി നടത്തിയ പ്രതികരണവും വിവാദമായിരുന്നു. കാഷ്മീരില് സ്വാതന്ത്ര്യത്തിന് വേണ്ടി പ്രവര്ത്തിക്കുന്നവരെ ഭരണകൂടം അടിച്ചമര്ത്തുന്നത് ആശാങ്കജനകമാണെന്ന് അന്ന് അഫ്രിദിയുടെ പ്രസ്താവന.
https://www.facebook.com/Malayalivartha