ഹിന്ദു നേതാക്കൾ കസ്റ്റഡിയിൽ ..വിശ്വാസികളെ തകർക്കാൻ പോലീസ് തന്ത്രം...

ഹിന്ദു നേതാക്കൾ കസ്റ്റഡിയിൽ ..വിശ്വാസികളെ തകർക്കാൻ പോലീസ് തന്ത്രം

17 NOVEMBER 2018 02:32 PM IST

മലയാളി വാര്‍ത്ത

മഹാരാഷ്ട്രയിലെ നിർമാണത്തിലിരുന്ന ഹനുമാൻ ക്ഷേത്രത്തിൻ്റെ മേൽക്കൂര തകർന്നുവീണ് അഞ്ച് പേർക്ക് ദാരുണാന്ത്യം

വെടിനിര്‍ത്തല്‍ കരാര്‍ പുല്ലാണ് !! ഹിസ്ബുല്ലയെ കയറിയടിച്ച് ജൂതപ്പട... USന്റെ കരാര്‍ കീറിയെറിഞ്ഞു; ഇറാനെ പിളര്‍ന്ന് IDF ഇറങ്ങി

ക്ഷേത്രത്തിന്റെ മേല്‍ക്കൂര തകര്‍ന്നുവീണ് അപകടത്തില്‍ നാലുപേര്‍ക്ക് ദാരുണാന്ത്യം

സ്വാമി ഭാർഗ്ഗവറാമിനെയും ആചാര സംരക്ഷണ സമിതി കണ്‍വീനര്‍ പൃഥിപാലിനെയും കസ്റ്റഡിയിലെടുത്ത പുറമെ കെ പി ശശികലയെയും കരുതൽ തടങ്കലിൽ ആക്കിയ പോലീസ് കൂടുതൽ നേതാക്കളെ കുടുക്കും എന്ന സൂചന നൽകിക്കഴിഞ്ഞു. ശബരിമലയിലെ സംഘര്‍ഷ സാധ്യത കണക്കിലെടുത്ത് കരുതല്‍ തടവിന്‍റെ ഭാഗമായാണ് കസ്റ്റഡി എന്നാണ് പോലീസ് ഭാഷ്യം . ഇന്ന് പുലര്‍ച്ചെ ബി.ജെ.പി നേതാവ് പി. സുധീര്‍ സന്നിധാനത്ത് അറസ്റ്റിലായിരുന്നു. വെള്ളിയാഴ്ച വൈകിട്ടോടെ ശബരിമല ദര്‍ശനത്തിനായി എത്തിയ ശശികലയെ പൊലീസ് മരക്കൂട്ടത്ത് വെച്ച് അറസ്റ്റു ചെയ്തതിൽ പ്രതിഷേധിച്ച് ഇന്ന് സംസ്ഥാനത്ത് ഹർത്താൽ നടക്കുകയാണ്. ദർശനം നടത്തുന്നതുവരെ ഉപവാസത്തിലാണ് ശശികലടീച്ചർ . യുദ്ധകാല സമാനമായ അന്തരീക്ഷത്തിലാണ് ഇതിനു വൃശ്ചികപ്പുലരിയിൽ ശബരിമല നട തുറന്നത് . ദക്ഷിണ മേഖലാ എ.ഡി.ജി.പി. അനില്‍ കാന്തും ഐ.ജി. വിജയ്‌ സാക്കറെയും സന്നിധാനത്തുണ്ട്‌. വടക്കേനടയിലും തിരുമുറ്റത്ത്‌ മഹാകാണിക്കയുടെ മുന്‍വശത്തും പോലീസ്‌ ബാരിക്കേഡ്‌ വച്ചു. ലാത്തിയും ഷീല്‍ഡും കൈയിലേന്തിയ പോലീസുകാരാണ്‌ എവിടെയും. ഹിന്ദു നേതാക്കളെ അറസ്റ്റ് ചെയ്തു അണികളെ ചിതറിക്കാനാണ് പോലീസ് ശ്രമിക്കുന്നത്. ഇവിടെ തോൽക്കുന്നത് വിശ്വാസമാണ്, ആരാധനാ സ്വാതന്ത്ര്യമാണ് സുപ്രീം കോടതി വിധി പാലിക്കണമെന്ന വാദം ഉയർത്തി പിടിക്കുന്നവർ എന്തേ ഭരണഘടന അനുശാസിക്കുന്ന ആരാധനാ സ്വാതന്ത്ര്യത്തിനു കൂച്ചുവിലങ്ങ് അണിയിച്ചത്? ആചാര സംരക്ഷണമെന്നത് വിശ്വാസിയുടെ അവകാശമാണെന്നത് മറന്നു പോയത്? ആക്ടിവിസ്റ്റുകൾക്കും ഫെമിനിസ്റ്റുകൾക്കും സംരക്ഷണം ഉറപ്പുകൊടിക്കുന്ന നിയമപാലകർ പാവം ഭക്തരെക്കൂടി പരിഗണിക്കേണ്ടതല്ലേ? മണ്ഡലകാലം ഓരോ വിശ്വാസിയുടെ മനസ്സിലും പവിത്രമായ ഒരു സങ്കൽപ്പമാണ്.. എത്ര തന്നെ പുരോഗമനം പറഞ്ഞാലും ചില വിശ്വാസങ്ങളും ആചാരങ്ങളും മൂല്യങ്ങളും അത് പോലെ നിലനിർത്തുന്നതല്ലേ അതിന്റെ ഭംഗി? പതിഞ്ഞ താളത്തിലുള്ള ശരണം വിളികൾ കൊണ്ടല്ലേ സന്നിധാനം സാന്ദ്രമാകേണ്ടത് ..അവിടെ പോലീസ് ബൂട്ടിന്റെ ശബ്ദങ്ങളും നിർദ്ദേശങ്ങളും ഒരു വിശ്വാസിയും ആഗ്രഹിക്കുന്നില്ല . ശബരിമല ഓരോ വിശ്വാസിയുടെയും വികാരമാണ് . ..അതുകൊണ്ടു തന്നെ മണ്ഢലകാല വിശുദ്ധി തിരിച്ചു വരാൻ ഓരോ ഭക്തനും പ്രാർത്ഥിക്കും ,ആഗ്രഹിക്കും

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha