ഛത്തിസ്ഗഢില്‍ അവസാനഘട്ട വോട്ടെടുപ്പിനുള്ള പരസ്യപ്രചാരണം ഞായറാഴ്ച അവസാനിച്ചു. 19 ജില്ലകളിലായി 72 സീറ്റുകളിലേക്കാണ് നവംബര്‍ 20ന് വോട്ടെടുപ്പ് നടക്കുന്നത്. നവംബര്‍ 12ന് നടന്ന ആദ്യഘട്ടത്തില്‍, മാവോവാദി ഭീഷണി നിലനില്‍ക്കുന്ന പ്രദേശങ്ങളിലെ 18 മണ്ഡലങ്ങളില്‍ വോട്ടെടുപ്പ് നടന്നിരുന്നു.

15 വര്‍ഷമായി അധികാരത്തില്‍ തുടരുന്ന ബി.ജെ.പിയും പ്രതിപക്ഷമായ കോണ്‍ഗ്രസും തങ്ങളുടെ ഏറ്റവും തലയെടുപ്പുള്ള നേതാക്കളെയെല്ലാം സംസ്ഥാനത്ത് പ്രചാരണത്തിന് എത്തിച്ചിരുന്നു. ഭരണകക്ഷിക്കുവേണ്ടി പ്രധാനമന്ത്രി നരേന്ദ്ര മോദിയും പ്രതിപക്ഷത്തിനുവേണ്ടി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും പ്രചാരണം നയിച്ചു.