മലിനീകരണം കുറക്കാനായി സര്‍ക്കാര്‍ ഉദ്യോഗസ്ഥര്‍ ഇലക്ട്രിക് വാഹനങ്ങള്‍ ഉപയോഗിക്കണമെന്ന് ടി.ഡി.പി മുഖ്യമന്ത്രി ചന്ദ്രബാബു നായിഡു. വായുവിന്റെ ഗുണനിലവാരം ഉറപ്പ് വരുത്താന്‍ ഇത് സഹായിക്കുമെന്നും അദ്ദേഹം പറഞ്ഞു. പൊതുസ്വകാര്യ പങ്കാളിത്തത്തോടെ സംസ്ഥാനത്ത് ഇലക്ട്രിക് വാഹനങ്ങള്‍ വ്യാപകമാക്കുമെന്നും അദ്ദേഹം വ്യക്തമാക്കി. ജനങ്ങള്‍ക്കായി നല്ല പദ്ധതികള്‍ നടപ്പിലാക്കിയാല്‍ മാത്രം പോര. പൂര്‍ണമായും ജനങ്ങളെ തൃപ്തിപ്പെടുത്തുന്നതാവണം പദ്ധതികള്‍. ഇതിനായി പദ്ധതികളിലെ പോരായ്മകള്‍ പരിഹരിക്കാനുള്ള ശ്രമങ്ങള്‍ കൂടി ഉണ്ടാകണമെന്നും അദ്ദേഹം പറഞ്ഞു.
തെലങ്കാന സംസ്ഥാനത്തിന്റെ ജി.ഡി.പിയില്‍ ബാധ്യതകള്‍ വര്‍ധിച്ചിട്ടുണ്ട്. 12.7 ശതമാനത്തില്‍ നിന്ന് 22.2 ശതമാനമായാണ് വര്‍ധന. അതേസമയം, ആന്ധ്രയുടെ ജി.ഡി.പിയില്‍ ബാധ്യതകള്‍ കുറയുകയാണുണ്ടായത്. 36.4 ശതമാനത്തില്‍ നിന്ന് 27.3 ശതമാനമായി ബാധ്യതകള്‍ കുറഞ്ഞുവെന്നും അദ്ദേഹം ചൂണ്ടിക്കാട്ടി