മിന്നലാക്രാമണം വ്യക്​തിപരമായ നേട്ടത്തിന്​ ഉപയോഗിക്കുന്നതിൽ പ്രധാനമന്ത്രി നരേ​ന്ദ്രമോദിക്ക്​ അപമാനമില്ലെന്ന്​ കോൺഗ്രസ്​ അധ്യക്ഷൻ രാഹുൽ ഗാന്ധി. മിന്നാല​ാക്രമണത്തിന്​ അമിത പ്രാധന്യം നൽകുന്നുവെന്ന മുൻ ആർമി ജനറലി​​​​െൻറ പ്രസ്​താവന പുറത്ത്​ വന്നതിന്​ പിന്നാലെയാണ്​ രാഹുൽ മോദിയെ വിമർ​ശിച്ചത്​. ട്വിറ്ററിലുടെയായിരുന്നു വിമർശനം​.

36 റഫാൽ വിമാനങ്ങൾ വാങ്ങിയതിലെ അഴിമതി ചൂണ്ടിക്കാട്ടി മിസ്​റ്റർ 36 മോദിയെന്നാണ്​ രാഹുൽ പ്രധാനമന്ത്രിയെ വിശേഷിപ്പിച്ചത്​. മിസ്റ്റര്‍ 36(മോദി)ക്ക് നമ്മുടെ സൈന്യത്തെ വ്യക്തിപരമായി ഉപയോഗിക്കുന്നതിന് യാതൊരു ലജ്ജയുമില്ല. സര്‍ജിക്കല്‍ സ്‌ട്രൈക്കിനെ രാഷ്ട്രീയ മൂലധനമാക്കിയും റഫേല്‍ ഇടപാടിനെ അനില്‍ അംബാനിയുട മൂലധനം 30000 കോടിയിലേക്ക് ഉയര്‍ത്താനും അദ്ദേഹം ഉപയോഗിക്കുന്നു’. രാഹുൽ വ്യക്​തമാക്കി.

മിന്നലാക്രമണത്തിന് ആവശ്യത്തിലധികം പ്രചാരണം നൽകിയെന്നും സംഭവത്തെ രാഷ്ട്രീയവൽകരിച്ചെന്നും മുൻ സൈനിക മേധാവി ലഫ്. ജനറൽ ഡി.എസ്. ഹൂഡ പറഞ്ഞിരുന്നു. കാര്യങ്ങളെ വലിയ രീതിയിൽ പർവതീകരിക്കുകയാണ് ചെ‍യ്തത്. ഇത് സൈന്യത്തിന് ഗുണകരമല്ലെന്നും ഡി.എസ്. ഹൂഡ വ്യക്തമാക്കിയിരുന്നു.