മധ്യപ്രദേശില്‍ പുതിയതായി തെരഞ്ഞെടുക്കപ്പെട്ട എം.എല്‍.എമാരില്‍ ഭൂരിഭാഗവും കോടിപതികളെന്നു റിപ്പോർട്ട് . 230 അംഗ നിയമസഭയിലേക്ക്​ തെരഞ്ഞെടുക്കപ്പെട്ടവരില്‍ 187 പേർ കോടിപതികളാണ്​.
അതേസമയം ,എം.എല്‍.എമാരില്‍ 94 പേര്‍ ക്രിമിനല്‍ കേസുകളില്‍ പ്രതികളുമാണ്​. തെരെഞ്ഞെടുപ്പ് കമ്മീഷനാണ് റിപ്പോർട്ട് പുറത്തു വിട്ടത്

പാര്‍ട്ടി തലത്തില്‍ നിരീക്ഷിക്കുകയാണെങ്കിൽ ബി.​ജെ.പിയുടെ 109 എം.എല്‍.എമാരില്‍ 91 പേര്‍, കോണ്‍ഗ്രസി​​​​െന്‍റ 114 എം.എല്‍.എമാരില്‍ 90 പേര്‍, ബി.എസ്​.പിയുടെ രണ്ട്​ എം.എല്‍.എമാരില്‍ ഒരാള്‍, എസ്​.പിയുടെ ഒരു എം.എല്‍.എ, നാല്​ സ്വതന്ത്ര എം.എല്‍.എമാര്‍ എന്നിവര്‍ക്ക്​ ഒരു കോടിയിലേറെ വരുന്ന സ്വത്തുക്കളുണ്ടെന്നാണ്​ തെരഞ്ഞെടുപ്പ്​ കമ്മീഷന് സമര്‍പ്പിച്ച സത്യവാങ്​മൂലത്തിലൂടെ വ്യക്തമാകുന്നത്​. പ്രഖ്യാപിത സ്വത്തുക്കളില്‍ ഏറ്റവും കൂടുതല്‍ വിജയരാഘവ്​ഗഡിലെ ബി.ജെ.പി എം.എല്‍.എ സഞ്​ജയ്​ സത്യേന്ദ്ര പ്രതകിനാണ്​. 226 കോടിയിലേറെ സ്വത്തുണ്ടെന്നാണ്​ കണക്കുകള്‍ പറയുന്നത്​​.

കോണ്‍ഗ്രസിലെ 56 എം.എല്‍.എമാര്‍, ബി.ജെ.പിയുടെ 34 പേര്‍, ബി.​എസ്​.പിയുടെ രണ്ട്​ പേര്‍, എസ്​.പിയു​ടെ ഒരു എം.എല്‍.എ, ഒരു സ്വതന്ത്ര എം.എല്‍.എ എന്നിവര്‍ ക്രിമിനല്‍ കേസുകളില്‍ പ്രതികളാണെന്നും തെരഞ്ഞെടുപ്പ്​ കമ്മീഷന്‍ പുറത്തുവിട്ട റിപ്പോര്‍ട്ടില്‍ ചൂണ്ടിക്കാട്ടുന്നു.