അ​ഗ​സ്ത വെ​സ്റ്റ്ലാ​ന്‍​ഡ് ഹെ​ലി​കോ​പ്റ്റ​ര്‍ ഇ​ട​പാ​ടു​ കേ​സി​ൽ പിടിയിലായ മു​ഖ്യ ഇ​ട​നി​ല​ക്കാ​ര​ന്‍ ക്രി​സ്റ്റ്യ​ന്‍ മി​ഷേ​ലിന്റെ കസ്റ്റഡി കാലാവധി നീട്ടി. ഡ​ല്‍​ഹി പാ​ട്യാ​ല ഹൗ​സ് കോ​ട​തി നാ​ല് ദി​വ​സ​ത്തേ​ക്കു കൂ​ടി​യാ​ണ് സിബിഐ കാലാവധി ദീർഖിപ്പിച്ചത്.

കേ​സു​മാ​യി ബ​ന്ധ​പ്പെ​ട്ട സു​പ്ര​ധാ​ന രേ​ഖ​ക​ള്‍ സം​ബ​ന്ധി​ച്ച്‌ മി​ഷേ​ലി​നോ​ട് ഇനിയും ചോ​ദി​ച്ച്‌ മ​ന​സി​ലാ​ക്കേ​ണ്ട​തു​ണ്ടെ​ന്ന് സി​ബി​ഐ കോ​ട​തി​യി​ല്‍ അ​റി​യി​ച്ചു. സി​ബി​ഐ അ​ഞ്ച് ദി​വ​സ​ത്തെ ക​സ്റ്റ​ഡി​യാ​ണ് ആ​വ​ശ്യ​പ്പെ​ട്ട​ത്. യു​പി​എ സ​ര്‍​ക്കാ​രി​ന്‍റെ കാ​ല​ത്ത് വി​വി​ഐ​പി ഹെ​ലി​കോ​പ്റ്റ​റു​ക​ള്‍ വാ​ങ്ങാ​നു​ള്ള ക​രാ​ര്‍ അ​ഗ​സ്ത വെ​സ്റ്റ്‌​ലാ​ന്‍​ഡി​നു ല​ഭി​ക്കാ​ന്‍ ഇ​ന്ത്യ​ന്‍ അ​ധി​കൃ​ത​ര്‍​ക്ക് മി​ഷേ​ല്‍ ല​ക്ഷ​ങ്ങ​ള്‍ കൈ​ക്കൂ​ലി ന​ല്‍​കി​യെ​ന്നാ​ണ് ആ​രോ​പ​ണം.

അതേസമയം കേസ് സംബന്ധമായി മുംബൈയിൽ കൊണ്ടു പോയി തെളിവെടുക്കേണ്ടതുണ്ടെന്നും സിബിഐ അഭിഭാഷകൻ കോടതിയെ അറിയിച്ചു. ഇതിനിടെ സ്വിറ്റ്സര്‍ലന്‍റിലും ഇറ്റലിയിലും മിഷേലിന് വേണ്ടി ഹാജരായ അഭിഭാഷകയെന്ന വാദവുമായെത്തിയ റോസ് മേരി പട്രിസിയെ മിഷേലുമായി പത്തു മിനിട്ട് സംസാരിക്കാൻ കോടതി അനുവദിച്ചു. സിബിഐ എതിര്‍പ്പ് അവഗണിച്ചാണിത്. എന്നാൽ കസ്റ്റഡിയിൽ മിഷേലിനെ കാണണമെന്ന അഭിഭാഷകയുടെ ആവശ്യം കോടതി തള്ളി.

അ​ന്വേ​ഷ​ണ​ത്തി​നി​ടെ ദു​ബാ​യി​ലേ​ക്കു ക​ട​ന്ന മി​ഷേ​ലി​നെ​തി​രെ ക​ഴി​ഞ്ഞ സെ​പ്റ്റം​ബ​റി​ലാ​ണ് കു​റ്റ​പ​ത്രം സ​മ​ര്‍​പ്പി​ച്ച​ത്. 2015-ല്‍ ​മി​ഷേ​ലി​നെ​തി​രേ ഡ​ല്‍​ഹി​യി​ലെ പ​ട്യാ​ല ഹൗ​സ് കോ​ട​തി ജാ​മ്യ​മി​ല്ലാ വാ​റ​ന്‍റ് പു​റ​പ്പെ​ടു​വി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ല്‍ ഇ​ന്‍റ​ര്‍​പോ​ള്‍ റെ​ഡ്‌​കോ​ര്‍​ണ​ര്‍ നോ​ട്ടി​സും പു​റ​ത്തി​റ​ക്കി. തു​ട​ര്‍​ന്ന് 2017 ഫെ​ബ്രു​വ​രി​യി​ലാ​ണ് ദു​ബാ​യി​ല്‍ മി​ഷേ​ല്‍ അ​റ​സ്റ്റി​ലാ​യ​ത്.