ജനിച്ച് 2 മണിക്കൂറില് രമയ്യക്ക് ആധാര്, പാസ്പോര്ട്ട്, റേഷന്കാര്ഡ് റെഡി
ആധാർ ഉൾപ്പടെയുള്ള രേഖകൾക്കായി അപേക്ഷിച്ച ഇന്ത്യയിലെ ഏറ്റവും പ്രായം കുറഞ്ഞ അപേക്ഷക ഗുജറാത്തുകാരി പെണ്കുഞ്ഞ്ആണ്. ജനിച്ചു വെറും രണ്ടു മണിക്കൂറിനുള്ളതിൽ ബന്ധപ്പെട്ട എല്ലാ രേഖകളും കുഞ്ഞിന് കിട്ടി. സൂററ്റില് നിന്നുളള രമയ്യയാണ് ആധാര്, പാസ്പോര്ട്ട്, റേഷന്കാര്ഡ് നേടിയ ഭാഗ്യവതി
ആധാര്, പാസ്പോര്ട്ട്, റേഷന്കാര്ഡ് ഇവയെല്ലാം രണ്ടുമണിക്കൂറിനുള്ളിൽ മകൾക്ക് കിട്ടിയതിന്റെ സന്തോഷത്തിലാണ് കുഞ്ഞിന്റെ മാതാപിതാക്കൾ
ആധാറിനും റേഷന്കാര്ഡിനും അപേക്ഷിച്ച് മാസങ്ങളോളം കാത്തിരുന്നാലും ഫലമില്ലാത്ത അവസ്ഥയാണ് പലപ്പോഴും. പ്രായമായവരെപോലും പലവട്ടം ഓഫീസുകളുടെ പടി ചവിട്ടിച്ചാലും നൂറായിരം നൂലാമാലകളുടെ പേരിൽ ബന്ധപ്പെട്ട രേഖകൾ കിട്ടാതെ നിരാശയരായവർ കേരളത്തിൽ ഉൾപ്പടെ പല സംസ്ഥാനങ്ങളിലും ഉണ്ട്.
ഡിസംബര് 12 ന് അഹമ്മദാബാദിലാണ് അങ്കിത് നാഗറാണിയുടെയും ഭൂമി നാഗറാണിയുടെയും മകളായി രമയ്യ ജനിച്ചത്.മകള് ജനിച്ചയുടന് ഇരുവരും ചേര്ന്ന് രേഖകള് എല്ലാം കൃത്യമായി തയ്യാറാക്കി നല്കുകയായിരുന്നു.
ഡിജിറ്റല് ഇന്ത്യയുടെ സാധ്യതകള് ഉപയോഗിച്ചാണ് ഇത്രവേഗം ആധാര്, പാസ്പോര്ട്ട്, റേഷന്കാര്ഡ് എന്നിവ നേടാനായതെന്നും മകള്ക്ക് ഇത്തരമൊരു നേട്ടം സമ്മാനിക്കായതില് സന്തോഷമുണ്ടെന്നും മാതാപിതാക്കള് അറിയിച്ചു.
കുഞ്ഞിന്റെ ജനനത്തിനു മുന്പ് തന്നെ ഇതിനായി മുന്നൊരുക്കങ്ങള് നടത്തിയിരുന്നുവെന്നും ഭൂമി നാഗറാണി പറഞ്ഞു
https://www.facebook.com/Malayalivartha
