ആധാര്‍ നിയമത്തില്‍ ഭേദഗതിക്കൊരുങ്ങി കേന്ദ്രസര്‍ക്കാര്‍... മൊബൈല്‍ സേവനങ്ങള്‍, ബാങ്ക് അക്കൗണ്ടുകള്‍, സ്‌കൂള്‍ അഡ്മിഷന്‍, മറ്റു സേവനങ്ങള്‍ എന്നിവയ്ക്ക് ആധാര്‍ നിര്‍ബന്ധമാക്കിയ നിയമനത്തില്‍ വരുത്തിയ ഭേദഗതികള്‍ക്ക് ക്യാബിനറ്റ് അംഗീകാരം
ആധാര്‍ നിയമത്തില്‍ കേന്ദ്രസര്‍ക്കാര്‍ ഭേദഗതിക്കൊരുങ്ങി . മൊബൈല്‍ സേവനങ്ങള്‍, ബാങ്ക് അക്കൗണ്ടുകള്‍, സ്‌കൂള്‍ അഡ്മിഷന്‍, മറ്റു സേവനങ്ങള്‍ എന്നിവയ്ക്ക് ആധാര്‍ നിര്‍ബന്ധമാക്കിയ നിയമനത്തില്‍ വരുത്തിയ ഭേദഗതികള്‍ക്ക് കാബിനറ്റിന്റെ അംഗീകാരം. ഇത് ലോക്‌സഭയില്‍ ഉടന്‍ അവതരിപ്പിക്കുമെന്നാണു സൂചന. ബില്‍ പാര്‍ലമെന്റിലെത്തിയാല്‍ ശൈത്യകാല സമ്മേളനത്തില്‍തന്നെ പാസാകും.
ആധാര്‍ നിയമത്തിലെ 57ാം വകുപ്പ് റദ്ദാക്കിയ സുപ്രീം കോടതി വിധിക്കു പിന്നാലെയാണ് ഭേദഗതിയുമായി കേന്ദ്രസര്‍ക്കാര്‍ രംഗത്തെത്തിയത്. സ്വകാര്യ സ്ഥാപനങ്ങള്‍ 12 അക്ക ആധാര്‍ നന്പര്‍ ആവശ്യപ്പെടുന്നതു വിലക്കിയായിരുന്നു സുപ്രീം കോടതി വിധി. ഭേദഗതി പ്രാബല്യത്തില്‍ വന്നാല്‍ മൊബൈല്‍ കണക്ഷന്‍ ലഭിക്കുന്നതിനും ബാങ്ക് അക്കൗണ്ട് തുടങ്ങുന്നതിനും ഉള്‍പ്പെടെയുള്ള സേവനങ്ങള്‍ക്ക് ആധാര്‍ ആവശ്യപ്പെടാന്‍ കഴിയില്ല.
അതേസമയം, സര്‍ക്കാര്‍ സേവനങ്ങള്‍ക്കും ക്ഷേമ പദ്ധതികള്‍ക്കും ആധാര്‍ നിര്‍ബന്ധമാണെന്നു സുപ്രീം കോടതി വിധിച്ചിരുന്നു.
"
https://www.facebook.com/Malayalivartha
