വിമാനയാത്രക്കാര്ക്കൊരു സന്തോഷവാര്ത്ത... ഇനി മുതല് യാത്രാവേളകളില് ഫോണ് ചെയ്യാനും ഇന്റര്നെറ്റ് ഉപയോഗിക്കാനും സൗകര്യമൊരുക്കി കേന്ദ്രസര്ക്കാര്
യാത്രക്കാര്ക്ക് സന്തോഷ വാര്ത്തയുമായി കേന്ദ്രസര്ക്കാര്. ഇനിമുതല് വിമാനങ്ങളിലും കപ്പലുകളിലും യാത്രാവേളകളില് ഫോണ് ചെയ്യാനും ഇന്റര്നെറ്റ് ഉപയോഗിക്കാനും സൗകര്യമൊരുങ്ങുന്നു. ഇന്ത്യയുടെ വ്യോമസമുദ്രപരിധിയില് സഞ്ചരിക്കുന്ന വിമാന, കപ്പല് യാത്രികര്ക്കാണ് ഈ സൗകര്യം ലഭ്യമാവുക. ഇതിനായി നിലവിലുള്ള ഫളൈറ്റ് ആന്ഡ് മരിടൈം കണക്ടിവിറ്റി (ഐഎഫ്എംസി.) നിയമം സംബന്ധിച്ച് കേന്ദ്രസര്ക്കാര് കഴിഞ്ഞ ദിവസം വിജ്ഞാപനമിറക്കിയിരുന്നു. രാജ്യാന്തര തലത്തില് പല വിമാനക്കമ്പനികളും വൈഫഫൈ ഉപയോഗിക്കാന് യാത്രാക്കാരെ അനുവദിക്കുന്നുണ്ടെങ്കിലും ഇന്ത്യന് വ്യോമാതിര്ത്തിയിലെത്തുമ്പോള് സ്വിച്ച് ഓഫ് ചെയ്യുകയാണ് പതിവ്.
രാജ്യത്തു പ്രവര്ത്തിക്കുന്ന ഷിപ്പിംഗ് കമ്പനികള്ക്കും വിദേശഇന്ത്യന് വിമാന കമ്പനികള്ക്കും ഇന്ത്യന് ടെലികോം ലൈസന്സുള്ള ദാതാവുമായി സഹകരിച്ച് ഫോണ്കോള്ഡേറ്റാ സേവനങ്ങള് നല്കാമെന്നാണ് റിപ്പോര്ട്ട്.
ഐഎഫ്എംസി ലൈസന്സ് സംബന്ധിച്ചും ഇതിന്റെ നിരക്കുകള് സംബന്ധിച്ചുമുള്ള നിര്ദേശങ്ങളും കേന്ദ്രം പുറത്തിറക്കിയിട്ടുണ്ട്.
https://www.facebook.com/Malayalivartha