നിയമസഭാ തെരഞ്ഞെടുപ്പ് വിജയം സമ്മാനിച്ച ഊര്ജ്ജത്തില് പ്രധാനമന്ത്രി നരേന്ദ്രമോദിക്കെതിരെ കടുത്തനിലപാടുമായി കോണ്ഗ്രസ് അധ്യക്ഷന് രാഹുല്ഗാന്ധി രംഗത്ത്, കാര്ഷിക കടം എഴുതിത്തള്ളാതെ മോദിയെ ഉറങ്ങാന് അനുമദിക്കില്ലെന്നും നാലരവര്ഷം ഭരിച്ചിട്ടും കര്ഷകര്ക്ക് ഒന്നും നല്കിയില്ലെന്നും രാഹുല്
നിയമസഭാ തെരഞ്ഞെടുപ്പ് വിജയം സമ്മാനിച്ച ഊര്ജ്ജത്തില് പ്രധാനമന്ത്രി നരേന്ദ്രമോദിക്കെതിരെ കടുത്തനിലപാടുമായി കോണ്ഗ്രസ് അധ്യക്ഷന് രാഹുല്ഗാന്ധി രംഗത്ത്.കാര്ഷിക കടം എഴുതിത്തള്ളാതെ മോദിയെ ഉറങ്ങാന് അനുമദിക്കില്ലെന്നും നാലരവര്ഷം ഭരിച്ചിട്ടും കര്ഷകര്ക്ക് ഒന്നും നല്കിയില്ലെന്നും രാഹുല് ചൂണ്ടിക്കാട്ടി. കോണ്ഗ്രസ് അധികാരത്തിലേറിയ രണ്ട് സംസ്ഥാനങ്ങള് ആറ് മണിക്കൂറിനുള്ളില് കാര്ഷിക കടം എഴുതിത്തള്ളി. അടുത്ത സംസ്ഥാനവും വേഗത്തില് കടം എഴുതിത്തള്ളും. കോണ്ഗ്രസ് ഭരിക്കുന്ന മറ്റു സംസ്ഥാനങ്ങളിലും ഇത് നടപ്പാക്കും. പണക്കാരുടെ വായ്പ എഴുതിത്തള്ളുന്ന മോദി നോട്ട് നിരോധനത്തിലൂടെ രാജ്യത്തെ കൊള്ളയടിച്ചെന്നും രാഹുല് രാഹുല് മാധ്യമങ്ങളോട് പറഞ്ഞു.
മധ്യപ്രദേശിലും ഛത്തീസ്ഗഡിലും ഇന്നലെ അധികാരമേറ്റ കോണ്ഗ്രസ് മുഖ്യമന്ത്രിമാര് രണ്ട് ലക്ഷം രൂപ വരെയുള്ള കാര്ഷിക കടങ്ങള് എഴുതിത്തള്ളിയതിനെ തുടര്ന്നായിരുന്നു രാഹുലിന്റെ പ്രതികരണം. ഈ നടപടി കേന്ദ്രസര്ക്കാര് മാതൃകയാക്കണമെന്നും രാഹുല് ആവശ്യപ്പെട്ടു. പാവങ്ങളും കര്ഷകരും ചെറുകിട വ്യാപാരികളും യുവാക്കളും ഒരു വശത്ത്. മറുവശത്ത് 15 വ്യവസായികളും. അങ്ങനെ ദോമി ഇന്ത്യയെ രണ്ടായി വിഭജിച്ചെന്നും രാഹുല് ആരോപിച്ചു. വരുന്ന പൊതുതെരഞ്ഞെടുപ്പില് കര്ഷക വായ്പ എഴുതിത്തള്ളുന്നതു കോണ്ഗ്രസ് മുഖ്യ പ്രചാരണ വിഷയമാക്കും. കര്ഷകര്ക്കൊപ്പം കോണ്ഗ്രസ് നില്ക്കുമെന്നും രാഹുല് പറഞ്ഞു.
ഏതാനും വ്യവസായികളുടെ പോക്കറ്റില് കോടികള് വച്ചുകൊടുത്ത പ്രധാനമന്ത്രി കര്ഷകരെ കൈവിട്ടു. അതിനാല് ഇനി ഉറക്കമില്ലാത്ത നാളുകളാണ്. മോദിയുടെ ഉറക്കം കെടുത്തുന്ന പ്രക്ഷോഭങ്ങളുമായി കോണ്ഗ്രസ് മുന്നിട്ടിറങ്ങുമെന്നും രാഹുല് മുന്നറിയിപ്പ് നല്കി. 1984ലെ സിഖ് വിരുദ്ധ കലാപത്തില് കോണ്ഗ്രസ് നേതാവ് സജ്ജന് കുമാറിന് ഡല്ഹി ഹൈക്കോടതി ജീവപര്യന്തം തടവുശിക്ഷ വിധിച്ചതിനെക്കുറിച്ചു മാധ്യമങ്ങള് ചോദിച്ചപ്പോള്, ഈ വിഷയത്തില് നേരത്തേ നിലപാടു വ്യക്തമാക്കിയെന്നായിരുന്നു പ്രതികരണം.
https://www.facebook.com/Malayalivartha
