കൊടുംതണുപ്പില്‍ ജമ്മു കാശ്മീര്‍ മരവിക്കുന്നു. കാശ്മീര്‍ താഴ് വരയിലും ലഡാക്ക് മേഖലയിലും കനത്ത മഞ്ഞുവീഴ്ചയും തണുപ്പുമാണ് അനുഭവപ്പെടുന്നത്. മിക്കയിടങ്ങളിലും ഫ്രീസിംഗ് പോയിന്റിനു താഴെയാണ് താപനില. കാര്‍ഗില്‍ ജില്ലയിലെ ദ്രാസില്‍ ശനിയാഴ്ച മൈനസ് 21.1 ഡിഗ്രി താപനില രേഖപ്പെടുത്തി. ദ്രാസില്‍ മൈനസ് 5.5 ഡിഗ്രിയായിരുന്നു വെള്ളിയാഴ്ച താപനില. ശ്രീനഗര്‍ മൈനസ് 7.2, പഹല്‍ഗാം മൈനസ് 8.3 എന്നിങ്ങനെയാണു ശനിയാഴ്ച താപനില രേഖപ്പെടുത്തിയത്

ലേ മേഖലയില്‍ മൈനസ് 17.5 ഡിഗ്രിയും കാര്‍ഗിലില്‍ മൈനസ് 16.7 ഡിഗ്രിയും താപനില രേഖപ്പെടുത്തി. ജമ്മു, ഖത്ര, ബനിഹാള്‍, ബദേര്‍വ എന്നിവിടങ്ങളിലും താപനില ഫ്രീസിംഗ് പോയിന്റിനു താഴെയാണ്.