കണ്ണൂര് സെന്ട്രല് ജയിലില് തടവുകാര് അനധികൃതമായി ടെലിവിഷന് സ്ഥാപിച്ച സംഭവത്തില് ഡെപ്യൂട്ടി സൂപ്രണ്ട് ഉള്പ്പെടെ മൂന്ന് ജീവനക്കാര്ക്ക് സസ്പെന്ഷന്
കണ്ണൂര് സെന്ട്രല് ജയിലില് തടവുകാര് അനധികൃതമായി ടെലിവിഷന് സ്ഥാപിച്ച സംഭവത്തില് ഡെപ്യൂട്ടി സൂപ്രണ്ട് ഉള്പ്പെടെ മൂന്ന് ജീവനക്കാരെ സസ്പെന്ഡ് ചെയ്തു. ഡെപ്യൂട്ടി സൂപ്രണ്ട് കെ. വിനോദന്, അസി. പ്രിസണ് ഓഫിസര് എം.കെ. ബൈജു, ഗേറ്റ്കീപ്പര് വി.ടി.കെ. രവീന്ദ്രന് എന്നിവരെയാണ് ജയില് മേധാവിയുടെ നിര്ദേശത്തെ തുടര്ന്ന് സസ്പെന്ഡ് ചെയ്തത്.
ടെലിവിഷന് ജയിലിനുള്ളിലെത്തിച്ച സംഭവത്തില് ദക്ഷിണമേഖല ജയില് ഡി.ഐ.ജി അന്വേഷണം നടത്തിയിരുന്നു. ഈ റിപ്പോര്ട്ട് പ്രകാരമാണ് ഉദ്യോഗസ്ഥര്ക്കെതിരെ നടപടിയെടുത്തത്. കഴിഞ്ഞവര്ഷം മാര്ച്ചിലെത്തിച്ച ടെലിവിഷന് ഒന്നാം ബ്ലോക്കിലെ തടവുകാരാണ് സ്ഥാപിച്ചത്. പഴയ മോഡല് ടെലിവിഷന് പാഴ്സലായി എത്തിയിട്ടും ഡ്യൂട്ടിയിലുണ്ടായിരുന്നവര് ശ്രദ്ധിച്ചില്ലെന്നും പരിശോധിച്ചില്ലെന്നും അന്വേഷണത്തില് കണ്ടെത്തിയിരുന്നു.
ഒന്നാം ബ്ലോക്കിലുണ്ടായിരുന്ന ഇരുന്നൂറോളം തടവുകാര് ജയിലില് ജോലി ചെയ്തു കിട്ടിയിരുന്ന പണത്തില് നിന്ന് സ്വരൂപിച്ചാണ് ടെലിവിഷന് സംഘടിപ്പിച്ചത്.
"
https://www.facebook.com/Malayalivartha
