താന്‍ 'ആക്‌സിഡന്റല്‍ െ്രെപം മിനിസ്റ്റര്‍' ആയിരുന്നുവെന്ന് മുന്‍ പ്രധാനമന്ത്രിയും ജെ.ഡി.എസ് അധ്യക്ഷനുമായ എച്ച്.ഡി. ദേവഗൗഡ. ദി ആക്‌സിഡന്റല്‍ െ്രെപം മിനിസ്റ്റര്‍ എന്ന ബോളിവുഡ് ചിത്രം സംബന്ധിച്ച് വിവാദം മുറുകുന്നതിനിടെയാണ് ദേവഗൗഡയുടെ പ്രസ്താവന. ചിത്രം സംബന്ധിച്ചുള്ള വിവാദത്തെ കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിന് മറുപടിയായാണ് ദേവഗൗഡ ഇങ്ങനെ പ്രതികരിച്ചത്. 1996ലെ പൊതുതെരഞ്ഞെടുപ്പില്‍ ഒരു പാര്‍ട്ടിക്കും സര്‍ക്കാര്‍ രൂപീകരിക്കാനുള്ള കേവല ഭൂരിപക്ഷം ഇല്ലായിരുന്നു. കോണ്‍ഗ്രസ്, ബി.ജെ.പി ഇതര പ്രാദേശിക കക്ഷികള്‍ ഉള്‍പ്പെടുന്ന യു.പി.എ മുന്നണി സര്‍ക്കാറുണ്ടാക്കാന്‍ തീരുമാനിക്കുകയും കോണ്‍ഗ്രസ് പിന്തുണയോടെ ദേവഗൗഡയെ പ്രധാനമന്ത്രി ആക്കുകയുമായിരുന്നു.
1996 ജൂണ്‍ ഒന്നു മുതല്‍ 1997 ഏപ്രില്‍ 21 വരെ ദേവഗൗഡ പ്രധാനമന്ത്രിപദത്തിലിരുന്നു. എന്നാല്‍ പിന്നീട് കോണ്‍ഗ്രസ് പിന്തുണ പിന്‍വലിച്ചതോടെ ദേവഗൗഡക്ക് താഴെ ഇറങ്ങേണ്ടി വന്നു. മന്‍മോഹന്‍ സിങ് പ്രധനമന്ത്രിപദത്തിലിരുന്ന 2004 മുതല്‍ 2014 വരെ കാലമാണ് 'ദി ആക്‌സിഡന്റല്‍ െ്രെപം മിനിസ്റ്റര്‍' എന്ന ചിത്രത്തിന് ആധാരം. എന്നാല്‍ കോണ്‍ഗ്രസിനെതിരെ ബി.ജെ.പിയുടെ അജണ്ട നടപ്പാക്കുകയാണ് ചിത്രം ചെയ്യുന്നതെന്ന് കോണ്‍ഗ്രസ് ആരോപിച്ചു.
2004 മുതല്‍ 2008 വരെ മന്‍മോഹന്‍ സിങ്ങിന്റെ മാധ്യമ ഉപദേഷ്ടാവായിരുന്ന സഞ്ജയ ബാരു എഴുതിയ സമാനമായ പേരിലുള്ള പുസ്തകത്തെ അടിസ്ഥാനമാക്കിയാണ് ആക്‌സിഡന്റല്‍ െ്രെപം മിനിസ്റ്റര്‍ എന്ന ചിത്രം എടുത്തിരിക്കുന്നത്. വിജയ് രത്‌നാകര്‍ ഗുട്ടെയാണ് സംവിധാനം.