വല്ലാണ്ടൊരവസ്ഥയിലാണ് ആ 42 കാരി. തന്റെ പിറകെ നടന്ന് ശല്യം ചെയ്യരുതെന്ന് പലതവണ പറഞ്ഞതാണ് കേട്ടില്ല. അവസാനം അറ്റകൈയ്ക്ക് അവന്റെ ജനനേന്ദ്രിയം കട്ട് ചെയ്ത് പ്രതികാരം തീര്‍ത്തു. എന്നാല്‍ യുവാവ് മരണപ്പെട്ടതോടെ കഥമാറി. വാദി പ്രതിയാകുന്ന അവസ്ഥ. കൊലക്കുറ്റത്തിലേക്കാണ് സംഭവം പോകുന്നത്. താനെയിലാണ് അമ്പരപ്പിക്കുന്ന സംഭവമുണ്ടായത്. 

ലൈംഗികാവശ്യവുമായി പിന്നാലെ നടന്നു ശല്യം ചെയ്തയാളുടെ ജനനേന്ദ്രിയം മുറിച്ചു മാറ്റിയ സംഭവത്തിലാണ് കത്തിക്കിരയായ 27 കാരന്‍ മരണത്തിന് കീഴടങ്ങി. മുംബൈയില്‍ നടന്ന സംഭവത്തില്‍ ഗുരുതരമായി പരിക്കേറ്റ നിലയില്‍ ആശുപത്രിയില്‍ കഴിയുകയായിരുന്ന സ്വകാര്യബാങ്കില്‍ ലോണ്‍ വിഭാഗത്തില്‍ ജോലി ചെയ്തിരുന്ന തുഷാര്‍ പൂജാര എന്ന യുവാവാണ് മരണമടഞ്ഞത്.

തുഷാര്‍ പൂജാരയുടെ മരണത്തിന് കാരണമായി ലൈംഗികാവയവം മുറിച്ചുമാറ്റിയ 42 കാരിയുടെ വിവരം പോലീസ് പുറത്തുവിട്ടിട്ടില്ല. വെള്ളിയാഴ്ച രാത്രി 11 മണിയോടെ മുംബൈ ബൈക്കുളയിലെ ജെ ജെ ആശുപത്രിയില്‍ വെച്ച് ഇയാള്‍ മരണത്തിന് കീഴടങ്ങി. മൂന്ന് പേര്‍ക്കെതിരേയും കൊലപാതകക്കുറ്റം ചുമത്തിയിട്ടുണ്ട്. യുവതിയുമായി പ്രണയത്തിലായിരുന്ന ഇയാള്‍ ലൈംഗികാവശ്യവുമായി ബന്ധപ്പെട്ട് ഇവരെ പിന്നാലെ നടന്ന ശല്യം ചെയ്തിരുന്നു. ഒടുവില്‍ തനിക്കുള്ള അഭിനിവേശവും പ്രണയബന്ധവും വിവാഹം കഴിക്കാനുള്ള ആഗ്രഹവും യുവതിയുടെ ഭര്‍ത്താവിനോട് വെളിപ്പെടുത്തുകയും ചെയ്തു. 

വിവരമറിഞ്ഞ ഭര്‍ത്താവ് യുവതിയുമായി വഴക്കിട്ടതോടെയാണ് തുഷാറിനെ ആക്രമിക്കാന്‍ യുവതി തീരുമാനിച്ചത്. തുടര്‍ന്ന് ഇവര്‍ നാട്ടുകാരായ മറ്റ് രണ്ടു യുവാക്കളുടെ സഹായത്തോടെ തുഷാറിനെ ലോണിന്റെ കാര്യത്തിനെന്ന് പറഞ്ഞ് വിളിച്ചു വരുത്തിയ ശേഷം ലൈംഗികാവയവം മുറിച്ചു മാറ്റുകയുമായിരുന്നു. സംഭവത്തിന് രണ്ടാഴ്ച മുമ്പ് തന്നെ ശല്യം ചെയ്യുന്നത് നിര്‍ത്തിയില്ലെങ്കില്‍ ഗുരുതരമായ പ്രത്യാഘാതം നേരിടേണ്ടി വരുമെന്ന് യുവാവിന് യുവതി മുന്നറിയിപ്പ് നല്‍കിയിരുന്നതായി പോലീസിന് തുഷാറിന്റെ സഹോദരന്‍ നല്‍കിയ പരാതിയില്‍ പറയുന്നു. 

പരിക്കേറ്റ നിലയില്‍ യുവാവിനെ ആശുപത്രിയില്‍ എത്തിച്ച ശേഷം യുവതി അവിടെ നിന്നും പെട്ടെന്നു തന്നെ രക്ഷപ്പെട്ടു. ആശുപത്രി നല്‍കിയ പരാതിയില്‍ പോലീസ് കേസെടുക്കുകയും പിറ്റേന്ന് തന്നെ യുവതി ഉള്‍പ്പെടെ മൂന്ന് പേരെ പോലീസ് അറസ്റ്റ് ചെയ്യുകയുമായിരുന്നു. യുവതിയ്‌ക്കെതിരെ കൊലക്കുറ്റത്തിനാണ് കേസെടുത്തത്.